امبیڈکر نگر: بدمعاشوں کی فائرنگ میں بی ایس پی لیڈر اور ڈرائیور کی موت

امبیڈکر نگر: اترپردیش میں امبیڈکر نگر کے ہنس ور علاقے میں پیر کو موٹرسائکل پر سوار بدمعاشوں کے ذریعہ کی گئی اندھا دھند فائرنگ میں بہوجن سماج پارٹی (بی ایس پی) کے لیڈر اور ان کی گاڑی کے ڈرائیور کی موت ہوگئی اور دو دیگر زخمی ہوگئے۔

پولس کے مطابق نصیر آباد کے رہنے والے ضلع پنچایت رکن کے شوہر اور بی ایس پی لیڈر ضرغام مہندی (50)صبح دس بجے کار میں سوار ہوکر ٹانڈا سے اپنے گھر جارہے تھے۔ان کے ساتھ ڈرائیور سبھنیت یادو کے علاوہ پرائیویٹ سیکورٹی کے تین اور گارڈ بھی بیٹھے تھے۔اس دوران وہ گاؤں کے نزدیک پہنچنے والے تھے کہ راستے میں موٹرسائکل پر سوار بدمعاشوں نے انہیں گھیر لیا اور اندھا دھند فائرنگ کردی۔اس واقعہ میں زرغام مہندی اور ڈرائیور سمیت چار افراد زخمی ہوگئے۔

شدید طورپر زخمی ضرغام مہندی اور ڈرائیور کو ضلع استپا ل میں داخل کرایاگیا جہاں دونوں کو مردہ قرار دے دیا گیا۔جوابی فائرنگ میں دو اور راہ گیر بھی زخمی ہوگئے جنہیں ضلع اسپتال میں داخل کرایاگیا ہے۔

پولس سپرنٹنڈنٹ ویپن کمار مشر نے بتایا کہ ہلاک شدہ کے خلاف کئی معاملے درج ہیں۔قاتلوں کی تلاش کے لئے پورے ضلع میں تفتیشی مہم چلائی جارہی ہے۔ٹانڈا رکن اسمبلی سنجو دیوی نے بھی ضلع اسپتال پہنچ کر واقعہ پر تعزیت کا اظہا رکیا اور قاتلوں کی جلد گرفتار کی یقین دہانی کی ہے۔