برازیل صدارتی انتخابات: لولا اور بولسونارو کے درمیان مقابلہ

برازیلیا: برازیل کے صدر جایر بولسونارو اور برازیل کے سابق صدر لوئیز اناسیو لولا ڈی سلوا 30 اکتوبر کو صدارتی انتخاب کے لیے 'رن آف' میں حصہ لیں گے۔ الیکٹورل کورٹ (ٹی ایس ای) نے اعلان کیا کہ تقریباً 99.6 فیصد ووٹنگ مشینوں کی گنتی مکمل ہو چکی ہے۔ سابق صدر لولا کو 48.3 فیصد درست ووٹ ملے، جب کہ بولسونارو کو 43.3 فیصد ووٹ ملے۔ اس سے قبل دونوں پہلے راؤنڈ میں جیت سے محروم رہے تھے۔

ٹی ایس ای کے چیئرمین الیگزینڈر ڈی موریس نے پہلے کہا تھا کہ پولنگ کا دن بغیر کسی بڑے واقعے کے معمول کے مطابق گزر گیا۔ برازیل کے صدر، نائب صدر، گورنرز، سینیٹرز اور وفاقی اور ریاستی نمائندوں کے انتخابات میں کل 15 کروڑ 64 لاکھ ووٹرز ووٹ ڈالنے کے اہل تھے۔ برازیل کے انتخابی قانون کے مطابق پہلے راؤنڈ میں منتخب ہونے کے لیے امیدوار کو نصف سے زیادہ ووٹ حاصل کرنا ضروری ہے۔