شاہین باغ مظاہرین کو بی جے پی رہنما میناکشی کی دھمکی! ’بہتر ہے خود ہی گھر چلے جائیں‘
میناکشی لیکھی نے کہا کہ شاہین باغ میں طویل عرصے سے جاری احتجاج کے باعث لوگوں کو پریشانیوں کا سامنا ہے، لہذا انہیں اب اپنے گھروں کو لوٹ جانا چاہئے، ’بہتر ہے کہ وہ خود ہی اپنے گھروں کو لوٹ جائیں‘
دہلی کے شاہین باغ میں ’شہریت ترمیمی قانون‘ اور ’این آر سی‘ کے خلاف لوگوں کا پرامن احتجاج تقریبا ایک ماہ سے جاری ہے۔ مظاہرین کا کہنا ہے کہ ان کا احتجاج اس وقت تک جاری رہے گا جب تک حکومت اس قانون کو واپس نہیں لے لیتی۔ دریں اثنا، بی جے پی کی رکن پارلیمنٹ میناکشی لیکھی نے شاہین باغ میں احتجاج کرنے والوں کو متنبہ کرتے ہوئے کہا کہ مظاہرین اپنے اپنے گھروں کو چلے جائیں، اسی میں ان کی عافت ہے۔
میناکشی لیکھی نے کہا ہے کہ شاہین باغ میں دیرینہ احتجاج کی کے باعث وہاں سے آنے جانے والے لوگوں کو کافی پریشانی کا سامنا کرنا پڑ رہا ہے۔ لہذا تمام مظاہرین کو اب اپنے اپنے گھروں کو لوٹ جانا چاہئے۔ میناکشی نے خبردار کیا کہ اگر مظاہرین کی بہتری اسی میں ہے کہ وہ اپنے گھروں کو لوٹ جائیں۔
واضح رہے کہ سخت سردی کے باوجود لوگ، بالخصوص خواتین شاہین باغ میں سی اے اے اور این آر سی کے خلاف دن رات مظاہرہ کر رہے ہیں۔ دریں اثنا، خواتین کے مظاہرے کی بین الاقوامی سطح پر پزیرائی ہو رہی ہے۔ ہزاروں افراد نے 31 دسمبر کی رات قومی ترانہ گاتے ہوئے نئے سال کا خیرمقدم کیا تھا۔
سنیچر کے روز دھرنے پر بیٹھی خواتین کی حمایت میں مشہور مصنفہ اروندھتی رائے شاہین باغ پہنچی تھیں اور وہاں موجود خواتین اور دیگر مظاہرین سے انہوں نے کہا کہ پورا ملک آپ کے ساتھ ہے، آپ اپنی لڑائی جاری رکھیں۔ اروندھاٹی نے کہا کہ پوری دنیا میں شاہین باغ کے مظاہرے کے چرچے ہو رہے ہیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔