ٹویٹر پر چھاپہ ماری ایک غیر جمہوری عمل، بی جےپی اپنے جھوٹ کے جال میں پھنس گئی: اکھلیش

سماج وادی پارٹی (ایس پی) کے صدر اکھلیش یادو نے کہا ہےکہ دہلی حکومت کے خصوصی سیل کے ذریعہ ٹویٹر انڈیا کے دفتر پر چھاپہ ماری کی وجہ سے بی جے پی حکومت کی عالمی امیج بری طرح متاثر ہو گی ۔

یادو نے ٹویٹ کیا کہ "ٹویٹر کے دہلی اور گروگرام دفاتر پر چھاپے مارنے سے بی جے پی حکومت کی گرتی ہوئی عالمی شبیہ کو اور نیچے گرائے گا۔ یہ غیر جمہوری اور سراسر قابل مذمت عمل ہے۔‘‘
انہوں نے بتایاکہ "بی جے پی اپنے ہی جھوٹ کے جال میں پھنس گئی ہے۔وہ یہ بھول گئی ہے کہ ہر کوئی دانا نہیں چگتا۔ اس مرتبہ صیاد کو چڑیا لے اڑی۔‘‘ واضح رہے ٹویٹر کا لوگو چریا ہے۔

واضح رہے کہ پیر کی دیر شام دہلی پولیس کے خصوصی سیل نے لاڈو سرائے اور گروگرام پر ایک ساتھ چھاپہ مارا۔ حکام کے مطابق مبینہ ' ٹول کٹ' معاملے میں یہ چھاپہ ماری کی گئی ہے۔

واضح رہے دہلی پولیس نے بھارتیہ جنتاپارٹی کے ترجمان سمبت پاترا کے ٹویٹ پر مینپولیٹڈ میڈیا کا ٹیگ لگانے کے تعلق سے ٹویٹرکو نوٹس بھیجاہے۔دہلی پولیس کے ایک اعلیٰ افسر نے بتایا کہ پولیس نے ٹویٹر سے پوچھا ہے کہ ان کے پاس ایسی کون سے معلومات ہے جس کی بنیاد پر مسٹر پاترا کے ٹویٹ کو مینپولیٹڈ بتارہے ہیں۔ اس معاملے میں دہلی پولیس کی اسپیشل سیل نے ٹویٹر کونوٹس جاری کیا ہے۔

دہلی پولیس نے ٹویٹر سے پوچھا ہے ’’لگتا ہے آپ کو ٹول کٹ کی حقیقت کاعلم ہے تبھی آپ کی طرف سے سنبت پاترا کے ٹویٹ کومینپولیٹڈ میڈیا کہا گیا۔

قابل ذکر ہے کہ ٹویٹر نے مسٹر پاترا کے اس ٹویٹ کوٹوڑمروڑ کر پیش کیا گیا قراردیا ہے، جس میں انہوں نے مبینہ طورپر الزام لگایا تھا کہ کانگریس نے مودی حکومت کونشانہ بنانے کے لئے ایک ٹول کٹ تیارکیا تھا۔ وہیں کانگریس بی جے پی کے ذریعہ جاری ٹول کٹ کے دستاویز کو فرضی قراردیتے ہوئے مسٹر پاتراسمیت کئی رہنماوں کے خلاف پولیس میں شکایت بھی درج کرائی ہے۔