مرکزی اور ریاستی حکومتوں نے غریبوں، مزدوروں اور کسانوں کو فائدہ نہیں پہنچایا

کانگریس کے صدر ملکارجن کھڑگے نے یہ الزام لگایا ہے کہ مرکز اور ریاست میں حکمراں جماعت نے غریبوں ، کسانوں اور مزدوروں کے مفاد میں کام نہیں کیا اور ان کو نظرانداز کیا ہے۔ مسٹر کھڑگے نے مدھیہ پردیش کے ضلع ڈنڈوری میں انتخابی اجلاس سے خطاب کیا۔ ریاستی کانگریس کے صدر کمل ناتھ نے بھی اس موقع پر خطاب کیا۔ مسٹر کھڑگے نے کہا کہ کانگریس نے ہمیشہ قبائلیوں ، مزدوروں ، غریب اور کسانوں کے مفاد میں کام کیا ہے لیکن بی جے پی حکومت نے ہمیشہ ان طبقات کو نظرانداز کیا ہے۔

مسٹر کھڑگے نے وزیر اعظم نریندر مودی پر جھوٹ بولنے کا الزام لگاتے ہوئے کہا کہ انہوں نے کسانوں کی آمدنی کو دوگنا کرنے کے بارے میں بات کہی تھی ، لیکن اقتدار میں آنے کے بعد اس سمت میں کچھ نہیں کیا گیا۔ مسٹر مودی نے دوسرے معاملات میں بھی ایسا ہی کیا اور وہ کانگریس کو مورد الزام ٹھہراتے ہیں۔ اسی طرح بی جے پی قبائلیوں کی دلچسپی کے بارے میں بات کرنے کے لئے ڈھنڈورا پیٹتی ہے ، لیکن اس کی حکمرانی میں قبائلیوں پر مظالم میں اضافہ ہوا ہے۔ انہوں نے قبائلیوں کے مفاد میں کانگریس کے اقدامات کے بارے میں بھی بتایا۔

اس موقع پر مسٹر کمل ناتھ نے سابق وزیر اعظم آنجہانی محترمہ اندرا گاندھی کو یاد کیا اور کہا کہ انہوں نے قبائلی معاشرے کے مفاد میں بہت کام کئے ہیں۔ اس کے بعد مسٹر راجیو گاندھی نے بھی اس طبقے کے مفاد میں کام کیا۔ انہوں نے کانگریس کے وچن پتر میں شامل نکات کے بارے میں بھی بتایا اور کہا کہ اگر کانگریس کی حکومت بننے پر ان پر عمل درآمد ہوگا۔