جانے سے قبل بی جے پی سب کچھ تباہ کر دے گی: چدمبرم

نئی دہلی: مودی حکومت کے آئندہ مالی سال کے عبوری بجٹ میں شخصی ٹیکس چھوٹ کی حد بڑھا کر پانچ لاکھ روپیے کرنے کے تعلق سے میڈیا میں آنے والی خبروں پر کانگریس کے قد آور رہنما اور سابق وزیر خزانہ پی چدمبرم نے منگل کے روز کہا کہ بی جے پی حکومت جانے سے پہلے سب کچھ تباہ کرنے والی پالیسی اختیار کر رہی ہے۔

پی چدمبرم نے اس تعلق سے ٹوئٹ کیا کہ بڑےبڑے منصوبوں کے ڈھول پیٹے جا رہے ہیں، لیکن پیسہ کہاں سے آئے گا۔ انہوں نے کہا کہ بی جے پی حکومت سب کچھ تباہ کرنے والی پالیسی اختیار کر رہی ہے۔ انہوں نے کہا ،’ جو یہ جانتا ہے کہ اس کی شکست ہوگی، وہی اس پالیسی کو اختیار کرتا ہے‘۔ میڈیا میں آنے والی خبروں کے مطابق مودی حکومت عبوری بجٹ میں شخصی ٹیکس میں چھوٹ کی حد کو 2.5 لاکھ روپیے سے بڑھا کر پانچ لاکھ روپیے کرنے جا رہی ہے۔