ہندوستان اور برازیل کے درمیان دو طرفہ تعلقات پر تبادلہ خیال

وزیر خارجہ ایس جے شنکر اور برازیل کے وزیر خارجہ مورو ویرا نے نویں جوائنٹ کمیشن میٹنگ میں دو طرفہ امور پر تبادلہ خیال کیا جس کے دوران وزیر خارجہ جے شنکر نے برازیل کی جی 20 چیئرمین شپ کے لیے ہندوستان کی حمایت جاری رکھنے کا اعادہ کیا۔

جے شنکر نے سوشل میڈیا پلیٹ فارم ایکس پر کہا ’’وزیر خارجہ مورو ویرا کے ساتھ نویں ہندوستان-برازیل مشترکہ کمیشن کی ایک نتیجہ خیز اور جامع میٹنگ کی مشترکہ صدارت کی۔‘‘میٹنگ میں دوطرفہ تعلقات کا جائزہ لیا گیا جس میں تجارت، دفاع، توانائی اور بائیو فیول، صحت، پائیدار زراعت، خلا، کنکٹی وٹی، ٹیکنالوجی اور مزید تجارتی تعلقات میں تعاون شامل ہے۔

انہوں نے کہا ’’ہم عالمی جغرافیائی سیاسی پیش رفت، گلوبل ساؤتھ کے مشترکہ خدشات اور خواہشات پر بھی تبادلہ خیال کریں گے اور برکس، ہندوستان، برازیل اور جنوبی افریقہ، غریبی اور بھوک کے خاتمے کی سہولت (آئی بی ایس اے)، جی20 اور اقوام متحدہ میں ہماری شراکت داری کو مزید آگے بڑھانے پر بھی خیالات کا تبادلہ کیا گیا۔برازیل کی جی 20 چیئرمین شپ کے لیے ہندوستان نے مسلسل حمایت کی تصدیق کی۔‘‘