پٹنہ میں جے ڈی یو رہنما کنہیا کا گولی مار کر قتل

بہار کے دارالحکومت پٹنہ میں ایک بار پھر بے خوف بدمعاشوں کی دہشت دیکھنے کو ملی، بدمعاشوں نے جنتا دل یونائٹیڈ (جے ڈی یو) کے طالب علم رہنما کی گولی مار کر قتل کر دیا ہے، طالب علم لیڈر کا نام کنہیا کوشک بتایا جا رہا ہے۔ خبروں کے مطابق گزشتہ رات جے ڈی یو کے طالب علم رہنما کنہیا کو بدمعاشوں نے پٹیل نگر میں گولی مار دی، بہار میں کنہیا جے ڈی یو کے سابق صوبہ جنرل سیکرٹری رہ چکے ہیں، کنہیا اے این کالج طلبہ یونین کے نائب صدر بھی رہ چکے ہیں۔

خبروں کے مطابق كنہیا کی کچھ لوگوں سے پرنی رنجش تھی، بتایا جا رہا ہے کہ ہولی کے دن کنہیا کو ملاقات کے بہانے کچھ لوگوں نے بلایا، جیسے ہی کنہیا موقع پر پہنچا بدمعاشوں نے اندھا دھند فائرنگ کر دی، کنہیا کو پانچ گولیاں لگیں، جس سے ان کی موت جائے واقع پر ہی ہو گئی۔

ڈی ایس پی راجیش سنگھ پربھاکر نے اس مماملے میں اپنی رائے دی ہے، انہوں نے کہا کہ پوسٹ مارٹم رپورٹ کا انتظار کیا جا رہا ہے، جانچ جاری ہے۔ ملزمان کو جلد ہی گرفتار کر لیا جائے گا۔ وہیں، قتل کی اس واردات کے بعد سیکورٹی نظام کو لے کر پولیس پر بھی سوال کھڑے کیے جا رہے ہیں، قتل کی واردات سے جے ڈی یو کے لیڈر غصے میں ہیں۔ واقعہ پر رد عمل ظاہر کرتے ہوئے طالب علم جے ڈی یو لیڈر سنیل گپتا نے قصورواروں کو جلد گرفتار کرنے اور کیس میں سخت کارروائی کا مطالبہ کیا ہے۔ فی الحال پولیس پورے معاملے کی تحقیقات کر رہی ہے۔