بہار بورڈ نتائج: اسلامیہ ہائی اسکول شیخ پورہ کے رومان اشرف نے حاصل کی پہلی پوزیشن، دفاعی خدمات میں شامل ہونے کی خواہش

پٹنہ: بہار بورڈ دسویں جماعت کے نتائج کا اعلان ہو چکا ہے اور اسلامیہ ہائی اسکول کے طالب علم محمد رومان اشرف نے ریاست بھر میں پہلی پوزیشن حاصل کر کے اپنے ادارے اور خاندان کا نام روشن کر دیا ہے۔ شیخ پورہ کے رہائشی رومان اشرف نے سب سے زیادہ 489 نمبر حاصل کئے ہیں۔

رومان اشرف کے والد نجیب الرحمان محمد پرائمری اسکول کے ٹیچر ہیں۔ ان کا کہنا تھا کہ وہ بیٹے کی کامیابی سے بہت خوش ہیں۔ انہوں نے خود اپنے بیٹے کو پڑھایا۔ انہوں نے کہا کہ وہ ہر شام اپنے بیٹے کو پڑھاتے تھے اور ان کے والد بھی ان کے ساتھ ایسا ہی کیا کرتے تھے۔

رومان اشرف کا کہنا ہے کہ انہیں خوشی ہے کہ انہوں نے ٹاپ کیا ہے۔ رومان کو پڑھائی کے علاوہ فٹ بال کھیلنا پسند ہے۔ اے پی جے ابوالکلام صاحب ان کے آئیڈیل ہیں۔ مستقبل میں وہ نیشنل ڈیفنس اکیڈمی (این ڈی اے) میں شامل ہونا چاہتے ہیں۔ ان کا کہنا ہے کہ انہیں سب سے اچھی صحبت اور ماحول ملا۔

رومان اشرف کا کہنا ہے کہ میں نے نہیں سوچا تھا کہ وہ اسٹیٹ ٹاپر ہوں گے۔ جن کے توقعات کے مطابق نتائج نہیں آئے انہیں پیغام دیتے ہوئے رومان اشرف کا کہنا ہے کہ مایوس ہونے کی ضرورت نہیں، جو بھی نتیجہ آئے اسے قبول کریں اور مستقبل کی تیاریوں پر توجہ دیں۔

خیال رہے کہ بہار بورڈ میں پہلی پوزیشن حاصل کرنے والے کو ایک لاکھ روپے، دوسرے نمبر پر آنے والے کو 70 ہزار روپے، تیسرے نمبر پر آنے والے کو 50 ہزار روپے اور چوتھے نمبر پر آنے والے کو 10 ہزار روپے دیئے جائیں گے۔ ساتھ ہی کمیٹی کی جانب سے لیپ ٹاپ بھی فراہم کیا جائے گا۔