بہار: سہرسہ میں بدمعاشوں نے کی اسکول میں فائرنگ، خاتون منیجر کو پیٹا

بہار کے وزیر اعلی نتیش کمار کے راج میں بدمعاشوں کو غنڈہ گردی تھمنے کا نام نہیں لے رہی ہے، تازہ معاملہ سہرسہ سے سامنے آیا ہے، سہرسہ میں بے خوف بدمعاشوں کی بدمعاشی دیکھنے کو ملی، یہاں پر تاوان نہ دینے پر بدمعاشوں نے پرائیویٹ اسکول کی خاتون منیجر کی پہلے سرعام پٹائی کی اور چلے گئے، کچھ دیر بعد وہ بدمعاش پھر واپس آئے اور اسکول میں فائرنگ کرنے لگے اس کے بعد وہ فرار ہوگئے۔

یہ پورا معاملہ گزشتہ روز ہفتے کی شام کا ہے، خبروں کے مطابق قریب شام 6 بجے صدر تھانہ علاقے میں 6 سے زیادہ بدماش کیرلا بورڈنگ اسکول پہنچے، تاوان کی رقم نہ دینے پر اسکول کے گیٹ پر ہی بدمعاشوں نے سرعام اسکول کی خاتوں منیجر کو پیٹنا شروع کر دیا، خاتون منیجر بدمعاشوں کو اسکول کے اندر گھسنے سے روک رہی تھی، بدمعاش خاتون منیجر کو گیٹ سے ہٹا رہے تھے، اس دوران ایک غنڈے نے بیلٹ سے خاتون منیجر کی پٹائی شروع کر دی، رفع دفاع کرنے آئے مقامی لوگوں کو بدمعاشوں نے بندوق دکھا کر ڈرایا، یہ پوری واردات اسکول میں لگے سی سی ٹی وی کیمرے میں قید ہو گئی۔

اسکول کی خاتون منیجر کو پیٹنے کے بعد بدمعاش کچھ دیر کے لئے چلے گئے، لیکن جیسے سی سی ٹی وی فوٹج میں دکھائی دے رہا کہ تھوڑی دیر بعد سبھی بدماش اسکول کے گیٹ پر دوبارہ پہنچے۔ ان میں سے ایک بدمعاش نے فائرنگ کرنی شروع کردی، کچھ غنڈے پتھر بازی کرنے لگے، کئی گولیاں داغنے کے بعد بدمعاش موقع سے فرار ہو گئے، وہیں مارپیٹ میں بری طرح زخمی اسکول خاتون منیجر کو علاج کے لیے صدر ہسپتال میں داخل کرایا گیا ہے۔

واقعہ کے بعد اسکول منیجر کے شوہر نے تھانے میں رپورٹ درج کرائی ہے،پولس میں درج شکایت کے مطابق بدمعاش گزشتہ کئی دنوں سے ڈیڑھ لاکھ روپے رقم کا مطالبہ کر رہے تھے، لیکن انہوں نے تاوان کی رقم دینے سے انکار کر دیا، وہیں پولس کا کہنا ہے کہ کیس درج کر لیا گیا ہے اور پورے معاملے کی جانچ کی جا رہی ہے۔