بھارت جوڑو یاترا کا 11واں دن، 200 کلومیٹر مکمل کا سفر طے کرنے کے بعد آج ہریپاد سے شروع ہوا سفر

بھارت جوڑو یاترا کا آج کا سفر 6.30 بجے سے ہریپاد سے شروع ہوا۔ 13 کلومٹر چلنے کے بعد ہندوستان اور ریاست سے وابستہ پد یاتری آرام کے لئے اوٹاپنا کے سری کروٹو بھگوتی مندر میں ٹھہریں گے۔ اس کے بعد کوٹناڈ اور پڑوسی اضلاع کے کسانوں سے گفتگو کی جائے گی۔

الاپوزا: کانگریس پارٹی کی جانب سے ‘بھارت جوڑو یاترا‘ کے نام سے ہندوستان کو متحد کرنے کے لئے چلائی جا رہی مہم کا آج 11واں دن ہے۔ کنیا کماری سے شروع ہونے والی اس یاترا نے 10 دن میں 200 کلومیٹر کا فاصلہ طے کیا ہے۔ آج اتوار (18 ستمبر 2022) کو راہل گاندھی سمیت تمام پد یاتریوں نے کیرالہ کے الاپوزا میں ہریپاد سے سفر شروع کیا۔ پد یاترا کو لے کر لوگوں میں کافی جوش و خروش ہے اور اس میں ہزاروں کی تعداد میں لوگ شامل ہو رہے ہیں۔