ویڈیو... نظام الدین اولیاءؒ کی درگاہ پر چھایا ’بسنت فیسٹیول‘ کا جادو

9 فروری کو دہلی واقع حضرت نظام الدین اولیاءؒ کی درگاہ پر ’بسنت فیسٹیول‘ کا انعقاد ہوا جس میں ہندوستان کے مختلف گوشوں سے تعلق رکھنے والے لوگوں نے تو شرکت کی ہی، بیرون ممالک کے لوگ بھی بڑی تعداد میں یہاں پہنچے۔ بسنت پنچمی کے موقع پر ہر سال نظام الدین اولیاءؒ کی درگاہ پر منعقد ہونے والے اس فیسٹول کی خاص بات یہ ہے کہ یہاں ہندوستانی کلچر اپنی پوری تمازت کے ساتھ نکھر کر سامنے آتی ہے۔ ہندو، مسلم، سکھ، عیسائی اور دیگر مذاہب سے تعلق رکھنے والے لوگ اس تقریب میں شریک ہوتے ہیں اور اس بار بھی ایسا ہی دیکھنے کو ملا۔ ’قومی آواز‘ کے قارئین کے لیے یہاں پیش خدمت ہے اس ’بسنت فیسٹیول‘ کا ویڈیو جس میں آپ غیر مسلم لوگوں کی آراء بھی سن سکیں گے اور بیرون ممالک سے آئے نظام الدین اولیاءؒ کے شیدائیوں کی رائے بھی جان سکیں گے۔