اعظم گڑھ: بی ایس پی لیڈر کمال لدین کا گولی مار کر قتل

اعظم گڑھ: اتر پردیش کے اعظم گڑھ ضلع میں پیر کی شام 60 سالہ بی ایس پی لیڈر کمال الدین کا گولی مار کر قتل کر دیا گیا۔ بائیک سوار نامعلوم حملہ آور ان کا قتل کرنے کے بعد اسلحہ ہوا میں لہراتے ہوئے موقع سے فرار ہو گئے۔ واقعے کے بعد پولیس اور فرانسک ٹیم موقع پر پہنچی اور معاملہ کی تفتیش کی۔

قتل کی یہ واردات ضلع اعظم گڑھ کے میہ نگر پولیس اسٹیشن کے کندن پور گاؤں میں پیش آئی۔ یہاں بی ایس پی رہنما کلام الدین اپنے گھر کے سامنے بیٹھے تھے کہ اچانک موٹرسائیکل سوار حملہ آور آئے اور ان پر اندھا دھند گوگلیاں برسانے لگے۔ گولی لگنے کے بعد کلام الدین کو لال گنج کے سی ایس سی اسپتال لے جایا گیا۔ لیکن یہاں ڈاکٹروں نے کلام الدین کی حالت تشویشناک قرار دیتے ہوئے انہیں وارانسی کے لیے منتقل کر دیا۔ وارانسی پہنچنے کے بعد ڈاکٹروں نے کلام الدین کو مردہ قرار دے دیا۔

کلام الدین نے 2004 اور 2012 میں نظام آباد اسمبلی حلقہ سے بی ایس پی کے ٹکٹ پر انتخاب لڑا تھا۔ پولیس کے مطابق کلام الدین پر بھی قتل اور گینگسٹر کے مقدمے درج ہیں۔ پولیس کے مطابق گاؤں میں پرانی دشمنی چل رہی ہے۔ اس سے پہلے کلام الدین کی بیٹی پر بھی حملہ ہوا تھا جس کے بعد سے وہ لکھنؤ میں اپنے کنبے کے ساتھ رہ رہے تھے۔ وہ ایک دن پہلے ہی گھر آئے تھے، جہاں ان کا قتل کر دیا گیا۔

اعظم گڑھ کے ایس پی سدھیر کمار سنگھ نے کہا کہ بادی النظر یہ معاملہ باہمی دشمنی کا نظر آتا ہے۔ کلام الدین کے گاؤں میں اس سے قبل کامران نامی شخص کا قتل ہوچکا ہے۔ اس معاملے میں درج کی گئی ایف آئی آر میں کلام الدین کا نام بھی شامل ہے۔ کامران نے کلام الدین کے کنبے کے ایک رکن پر گولی بھی چلوائی تھی، جس کے بعد انہوں نے لکھنؤ میں اپنے کنبے کے ساتھ رہنا شروع کر دیا تھا۔