کنہیا کمار پر حملہ بی جے پی کی مایوسی کا نتیجہ: کانگریس

نئی دہلی: کانگریس نے پارٹی کے شمال مشرقی دہلی کے لوک سبھا امیدوار کنہیا کمار پر حملے کی مذمت کرتے ہوئے اسے بھارتیہ جنتا پارٹی (بی جے پی) کی بزدلانہ حرکت اور انتخابات میں شکست پر مایوسی قرار دیا اور کہا کہ ملک کی سب سے پرانی جماعت پر اس طرح کی حرکتوں کاکوئی اثر ہونے والا نہیں ہے۔

کانگریس کے جنرل سکریٹری آرگنائزیشن کے سی وینوگوپال نے جمعہ کو انتخابی مہم کے دوران شمال مشرقی دہلی سے پارٹی امیدوار کنہیا کمار پر حملے کو بی جے پی کا پرانا رویہ قرار دیتے ہوئے کہا کہ شکست کو سامنے دیکھ کر ان سے غنڈوں کا سہارا لے کر اپوزیشن پارٹیوں کے امیدواروں کو دھمکانے کا یہ کھیل کھیلا ہے لیکن کانگریس کے ببر شیر کنہیا اس سے خوفزدہ نہیں ہیں۔ بھارت کا اتحاد کنہیا کے ساتھ کھڑا ہے۔

انہوں نے کہا ’’اپنی تاریخی شکست سے خوفزدہ بی جے پی ایک بار پھر غنڈہ گردی اور تشدد کے اپنے پرانے اور معمول کے رویے کا سہارا لے رہی ہے۔ ہمارے شمال مشرقی دہلی کے امیدوار کنہیا کمار پر بی جے پی کے غنڈوں کا بزدلانہ حملہ انتہائی قابل مذمت ہے اور اس سے ان کی مایوسی کو ظاہر کرتا ہے۔ ‘‘

انہوں نے کہا ’’انہیں معلوم ہونا چاہیے کہ کنہیا کانگریس کا ببر شیر ​​ہے اور اس طرح کی سستی حرکتوں سے وہ گھبرانے والے نہیں ہیں، انڈیا اتحاد کے تمام کارکنان فاشسٹ اور مجرمانہ حکمرانی کے خلاف ان کے ساتھ کھڑے ہیں۔