ایران میں فوجی پریڈ کے دوران حملہ، 12 جوان ہلاک

ایران کے شمال مغربی اہواز شہرمیں فوج کی پریڈ کے دوران سنیچر کوہوئے حملے میں کم از کم 12 جوان ہلاک ہو گئے جبکہ 20 دیگر زخمی ہوئے ہیں۔ سلامتی دستوں نے دو حملہ آوروں کو کو مار گرایا ہے۔ نیم سرکاری خبررساں ایجنسی اسنا نے حکام کے حولے سے یہ خبر دی ہے۔

یہ پریڈ عراق میں 1980میں شروع ہوئی جنگ کی یاد میں منعقد کی گئی تھی۔ حملہ آوروں کے دستہ نے پریڈ دیکھنے کے لئے بیٹھے حکام کو نشانہ بناکر حملہ کیا۔ فی الحال کسی تنظیم نے حملے کی ذمہ داری قبول نہیں کی ہے۔

اس درمیان میہر خبررساں ایجنسی نے بتایا کہ اس حملے میں کئی لوگوں کی موت ہوئی ہے اور کئی زخمی ہوگئے۔ ملک کی راجدھانی تہران اور دیگر مقامات پر بھی اس طرح کے پروگرام منعقد کئے جارہے ہیں۔