بی جے پی کی سپریم کورٹ کے فیصلہ سے پہلے رام مندر تحریک چھیڑنے کی تیاری

آر ایس ایس کے سربراہ موہن بھاگوت نے حال ہی میں نریندر مودی حکومت سے کہا ہے کہ وہ قانون سازی کر کے ایودھیا میں رام مندر کی تعمیر کرانے کی راہ ہموار کرے۔ میڈیا رپورٹوں کے مطابق بی جے پی کی برسر اقتدار حکومت اب اس حوالہ سے تمام متبادلوں پر غور کر رہی ہے۔ ذرائع کا کہنا ہے کہ بی جے پی رام مندر تعمیر کے حوالہ سے اسی سرمائی اجلاس میں آرڈیننس لانے پر بھی غور کر رہی ہے۔

دسہرہ کے موقع پر امرتسر ٹرین حادثہ کے بعد سے فرار چل رہے راون دہن تقریب کے ناظم سوربھ مدان ’مٹو‘ کا پہلا بیان منظر عام پر آیا ہے۔ سوربھ نے ایک ویڈیو جاری کیا ہے جس میں وہ روتے ہوئے خود کو بے قصور قرار دے رہا ہے اور الزام عائد کیا ہے کہ اس کے خلاف سازش کی جا رہی ہے۔

واضح رہے 19 اکتوبر کی شام امرتسر کے جوڑا پھاٹک کے نزدیک راون دہن کی تقریب چل رہی تھی۔ اسی وقت تیز رفتار ٹرین ٹریک پر کھڑے لوگوں کو کاٹتے ہوئے گزر گئی۔ اس ہولناک حادثہ میں 59 افراد لقمہ اجل ہو گئے جبکہ 57 افراد شدید طور پر زخمی ہوگئے۔

امرتسر ریل حادثہ کے بعد سے ہی مٹو فرار ہو گیا تھا۔ سوربھ مٹو نے ہی راون دہن تقریب کا انعقاد کیا تھا جسے دیکھنے کے لئے بڑی تعداد میں لوگ پہنچے تھے۔

ویڈیو میں رو رو کر ہاتھ جوڑ کر مٹو کہہ رہا ہے ’’دسہرہ والے دن جوڑا پھاٹک پر جو ریل حادثہ ہوا وہ بہت ہی بھیانک اور افسوسناک ہے۔ مجھے اس کا بہت دکھ ہے، میرے لئے اس وقت جو حالات بن گئے ہیں وہ میں بیان نہیں کر سکتا۔ ہم نے سب کو متحد کرنے کے لئے دسہرہ کا انعقاد کیا تھا اور ہر طرح کی اجازت لی تھی۔‘‘

مٹنو نے کہا ’’ہم نے جائے تقریب کا محاصرہ بھی کیا تھا، ہماری طرف سے کوئی کمی نہیں ہوئی تھی، جبکہ پولس اہلکار وہاں موجود تھے۔ فائر بریگیڈ کے ٹینکر بھی وہاں موجود تھے، ہم نے جہاں تقریب کا انعقاد کیا تھا وہ چہاردیواری کے اندر تھی نہ کہ ریلوے لائن پر۔ جس میدان میں تقریب چل رہی تھی اس کی چہاردیواری 10 فٹ اونچی ہے۔‘‘

مٹو نے مزید کہا، ’’لوگ ٹریک پر کھڑے تھے کہ اچانک ٹرین آ گئی، قدرت کی طرف سے ہو گیا۔ اس میں میرا کیا قصور ہے۔ جبکہ ہم نے وہاں 10 بار اعلان کرایا تھا کہ ٹریک پر لوگ کھڑے نہ ہوں۔ کچھ لوگ میرے خلاف سازش رچ رہے ہیں، ہاتھ جوڑکر گزارش ہے کہ میرے خلاف ایسا نہ کیا جائے۔