سنگل یوز پلاسٹک کا استعمال 'ایمیزون' نے کیا بند

نئی دہلی: ایمیزون انڈیا نے پیر کے روز ملک بھر میں اپنے زائد از 50 مراکز سے پیکیجنگ میں استعمال ہونے والے تمام سنگل یوز پلاسٹک کو ہٹانے کا اعلان کیا۔ اس طرح سے کمپنی نے پائیدار ترقی کی سمت اپنی کوششوں میں ایک اہم کامیابی حاصل کی ہے۔ ستمبر 2019 میں کمپنی نے ماحولیاتی پائیدار سپلائی چین بنانے کی کوشش کے تحت جون 2020 تک کی آخری میعاد تک اس ہدف کو پورا کرنے کا عزم کیا تھا۔

ایمیزون انڈیا نے اپنے ہی سپلائی نیٹورک میں سنگل یوز پلاسٹک کے مکمل خاتمے کے لیے کئی قدم اٹھائے ہیں۔ کمپنی نے رواں سال کے شروع میں 100 فیصد پلاسٹک سے پاک اور بایو ڈیگریڈیبل کاغذی ٹیپ متعارف کروائی تھی، جو صارفین کی ڈیلیوری کو سیل بند اور بحفاظت بھیجنے کے لئے استعمال کی جاتی ہے۔ دیگر تمام پلاسٹک کے پیکیجنگ مواد جو ایمیزون فلفلمنٹ مراکز سے نکلتے ہیں، وہ ذخیرہ اندوزی، الگ تھلگ کرکے استعمال کرنے اور ری سائیکلنگ چینلوں کے ذریعہ 100 فیصد ری سائیکل کرنے کے قابل ہیں۔ ایمیزون انڈیا اپنے دکانداروں کو بھی صارفین کی مانگ کو پورا کرنے کے لئے اس نئی تبدیلی کے بارے میں براہ راست مطلع کررہی ہے۔

ایمیزون انڈیا نے اپنی پیکیجنگ کی صلاحیت کو بہتر بنانے کے لیے پلاسٹک سے پاک حل پیش کرتے ہوئے متعدد تجربات کیے ہیں۔ کمپنی نے مینوفیکچررس کے ساتھ باہمی تعاون کے ساتھ پیکیجنگ میں ہونے والے ضیاع کو کم کرنے کے لئے پائیدار پیکیجنگ ایجادات کو ڈیزائن کیا ہے۔