اے کے-47 معالہ میں رکن اسمبلی اننت سنگھ قصوروار قرار، سزا کا اعلان 21 جون کو

پٹنہ کے ایک اسپیشل کورٹ نے منگل کو زور آور رکن اسمبلی اننت سنگھ کو 2019 کے اے کے-47 برآمدگی معاملے میں قصوروار ٹھہرایا ہے۔ جج ترلوکی دوبے نے ایم پی-ایم ایل اے کورٹ کے فیصلے کا اعلان کیا۔ سزا کا اعلان 21 جون کو کیا جائے گا۔ اس معاملے میں زیادہ سے زیادہ سزا 10 سال کی ہو سکتی ہے۔

مکامہ سےآر جے ڈی رکن اسمبلی اننت سنگھ فی الحال پٹنہ کے بیور جیل میں بند ہیں۔ اس وقت کے سٹی ایس پی لپی سنگھ کی قیادت میں پٹنہ پولیس کی ایک ٹیم نے 16 اگست 2019 کو برہ تھانہ کے تھت اننت سنگھ کے آبائی گاؤں ندوا واقع گھر پر چھاپہ ماری کی تھی۔ گھر سے دو ہتھ گولے اور اے کے-47 کے 26 زندہ کارتوس برآمد کیے گئے تھے۔ اس معاملے کی سماعت کے دوران فریق استغاثہ نے 13 گواہ پیش کیے اور ان کے بیان کورٹ میں درج کیے گئے۔ فریق دفاع نے بھی اس درمیان 34 گواہ پیش کیے۔ معاملے کی سماعت پیر کے روز مکمل ہوئی اور جج نے منگل کے لیے اپنا فیصلہ محفوظ رکھ لیا تھا۔

واضح رہے کہ ندوا گاؤں کا گھر اننت سنگھ کا ہے لیکن وہ اس میں رہتا نہیں تھا۔ گھر کی دیکھ بھال کے لیے کسی ایک شخص کو رکھا گیا تھا۔ اے کے-47 ہتھیار کو بڑے ڈبے کے پیچھے ایک جھونپڑی میں رکھا گیا تھا۔ بغل کی جھونپڑی سے ہتھ گولے برآمد کیے گئے۔ پولیس نے کہا کہ ٹرانسپورٹیشن کے دوران میٹل ڈٹیکٹرس میں پتہ لگانے سے بچنے کے لیے اے کے-47 کو ہمیشہ پلاسٹک کی تھیلی میں لپیٹا گیا تھا، جس کے بعد کاربن کی پرتیں تھیں۔