اورنگ آباد سے ایم آئی ایم امیدوار امتیاز جلیل کامیابی کی طرف گامزن

ممبئی: لوک سبھا انتخابات کے سلسلہ میں سامنے آنے والے رحجانات سے واضح ہوگیا ہے کہ ملک کے دوسرے علاقوں کی طرح کانگریس اور این سی پی کو زبردست نقصان پہنچا ہے جبکہ عروس البلاد ممبئی کی سبھی چھ نشتس این ڈی اے کی جھولی میں جاتی نظرآرہی ہیں، لوک سبھا الیکشن میں ایک بھی امیدوار نہ کھڑا کرنے کے باوجود وزیراعظم نریندر مودی کو اقتدار سے بے دخل کرنے کی مہم چلانے والے مہاراشٹر نونرمان سینا (ایم این ایس) سربراہ راج ٹھاکرے کی مذکورہ مہم ناکام نظر آرہی ہے۔

انتخابی نتائج پر اَپ ڈیٹ رہنے کے لیے یہاں کلک کریں لوک سبھا انتخابی نتائج 2019

کانگریس اور این سی پی اتحاد کو پرکاش امبیڈکر کی قیادت میں ونچت بہوجن اگاری (وی بی اے) نے زبردست نقصان پہنچایا اور مہاراشٹر کے دیہی علاقوں میں ووٹوں کی تقسیم درج کی گئی، اورنگ آباد سے اگاڑی اور مجلس اتحاد المسلمین کے امیدوار اور ایم آئی ایم کے امیدوار امتیاز جلیل شیوسینا امیدوار سے بھاری ووٹوں سے آگے ہیں۔ کانگریس کے صدراور سابق وزیراعلیٰ اشوک چوہان شکست سے دوچار ہیں، ناندیڑ حلقہ ان کا گڑھ ہے اور ان کے والد شنکر راﺅ چوہان بھی یہیں سے کامیاب ہوتے رہے ہیں۔

ملک میں اترپردیش کے بعد لوک سبھا کی 48 نشستوں والی دوسری بڑی ریاست مہاراشٹر میں 41 حلقوں میں کامیابی کی طرف بڑھ رہی ہے اور کانگریس اور این سی پی کو صرف سات نشستیں مل رہی ہیں۔ ممبئی جیسے کاسموپولیٹن شہر میں بی جے پی۔شیوسینا اتحاد نے ایک بار پھر چھ سیٹوں پرقبضہ کرلیا، کیونکہ رحجان میں فی الحال ووٹوں کا اتنا فاصلہ ہے کہ این ڈی اے کی کامیابی یقینی نظر آرہی ہے۔

واضح رہے کہ عروس البلاد ممبئی کی چھ پارلیمانی نشستوں سمیت مہاراشٹر کی 48 پارلیمانی نشستوں پر ہوئے انتخابات کے ووٹوں کی گنتی کا آغاز آج یہاں سخت حفاظتی بندوبست میں صبح 8 بجے سے عمل میں آیا۔ ممبئی میں چھ نشستوں کی گنتی کے تین مراکز بنائے گئے ہیں جس میں این ایس ای گراونڈ، گورے گاﺅں، وکھرولی ادیانچل اسکول اور سیوڑی کے ویئر ہاوس شامل ہیں۔

ممبئی پولس نے حفاظتی انتظامات کے لئے1500 سے زائد سی آر پی ایف سمیت ریاستی و مرکزی پولس کے اسلحہ بردار جوانوں کو تعینات کیا ہے۔ ٹرافک کے نظام کے لئے علاحدہ انتظامات بھی کیے گئے ہیں۔ ای وی ایم مشینوں پر ہونے والی گنتی کا آغاز عمل میں آچکا ہے لیکن اب تک کوئی ناخوشگوار واقع کی اطلاع موصول نہیں ہوئی ہے۔