سارے پلان فیل ہونے پر مودی کو ’سی پلین‘ کا سہارا!

گجرات اسمبلی انتخابات میں جیت کو یقینی بنانے کے لئے تمام پارٹیوں نے ریلی کیں ۔ کانگریس کی ریلی میں لوگوں کی بھیڑ اور ہاردک پٹیل کے روڈ شو میں جم غفیر دیکھ کر بی جے پی کو پسینہ آ گیا۔ پریشان حال وزیر اعظم نریندر مودی نے آخر میں سی پلین کا سہارا لیا اور احمد آباد میں بھیڑ جمع کرنے کی کوشش کی۔

وزیراعظم نریندرمودی نے احمدآبادمیں سابرمتی ندی سے پہلی بار سی پلین میں پروازکرکے دھروئی تک کا سفرکیا اور وہاں سے روڈ شوکی شکل میں 45کلومیٹر کا فاصلہ طے کرکے شکتی پیٹھ انباجی مندرمیں پوجا کی ۔

مودی نے احمدآباد شہر میں روڈشو کی اجازت نہ ملنے کی وجہ سے اپنے پروگرام راتو رات تبدیلی کرکے احمدآباد میں صدر برج کےپاس سے امریکہ میں تیار سی پلین کویسٹ کوڈیاک میں پروازکی ۔ایسے حالات میں وزیر اعظم کے سی پلین پر سوالات کا اٹھنا لازمی ہے۔

انکا طیارہ اسی ندی میں شمالی گجرات کے دھروئی ڈیم کےپاس اترا۔پائلٹ جان گولیٹ نے کہا کہ وزیر اعظم کے ساتھ پروازکرنا انتہائی خوشگوارتجربہ رہا۔ایسے طیارے کئی دیگر ملکوں میں عام ہیں ۔ہندستان میں طویل ساحل اورندیوں ،جھیلوں وغیرہ کی وجہ سے یہاں بھی یہ مقبول عام ہوسکتے ہیں ۔

وزیر اعظم کے سی پلین کے سفر پر کانگریس کے ترجمان رندیپ سرجے والا نے ٹوئٹ کر کے طنز کیا۔ انہوں نے لکھا ’’ گجرات کی جنتا پریشان، پر میرا جیون تو عالیشان۔‘‘

پاٹی دار رہنما ہارک پٹیل نے لکھا ’’ سی پلین دوسرے ممالک میں کافی دنوں سے ہے، آج ہمارے گجرات میں آیا ہے، کافی خوش ہوں۔ لیکن چناؤ کے اگلے دن آیا تو بڑھیا بات ہے کسان کرم کش دوائیں بھی پلین سے ڈال سکیں ایسا کچھ کیجئے۔‘‘