بستی نظام الدین: پلوامہ حملہ کے خلاف کینڈل مارچ، کشمیریوں پر حملوں کی بھی مذمت

اس مارچ کا اہتمام ڈاکیومنٹری فلموں کی تخلیق کار اورسماجی کارکن یاسمین قدوائی نے کیا۔ قومی آواز سے گفتگو کرتے ہوئے یاسمین قدوائی نے کہا کہ کانگریس پارٹی سے وابستہ ہر ایک شخص پلوامہ حملہ کی مذمت کرتا ہے لیکن ساتھ ہی اس حملہ کے بعد بے قصوروں کشمیریوں پر کیے جا رہے حملوں کے بھی ہم مخالف ہیں۔ انہوں نےکہا کہ اس مارچ کا مقصد ملک میں امن و امان کی فضا بنائے رکھنے اور آپ سی بھائی چارے کو قائم رکھنا ہے۔

یاسمین قدوائی نے کہا، ’’ہم حکومت سے درخواست کرتےہیں کہ قصورواروں کو قطعی نہ بخشا جائے لیکن بے گناہ کشمیریوں کی حفاظت کو بھی یقینی بنایا جائے۔‘‘ اس دوران مظاہرین نے بینر اور تختیاں بھی تھامے ہوئی تھیں جن پر ’قصور وار کو چھوڑو مت، بے گناہ کو چھیڑو مت‘ جیسے نعرے لکھے ہوئے تھے۔