کشمیر ڈی ڈی سی الیکشن: پہلے مرحلے میں 52 فیصد ووٹنگ

جموں و کشمیر میں ہفتے کے روز ڈسٹرکٹ ڈیولپمنٹ کونسل (ڈی ڈی سی) الیکشن کے پہلے مرحلے میں 43 سیٹوں پر تقریباً 52 فیصد ووٹنگ ہوئی۔ ریاست میں ڈی ڈی سی الیکشن آٹھ مرحلوں میں ہو رہے ہیں۔پہلے مرحلہ میں جہاں کئی علاقوں میں پولنگ بہت اچھی رہی وہیں کچھ علاقوں میں مایوسکن بھی رہی۔

کل ہوئی پولنگ پوری طرح پر امن رہی اور کہیں سے کسی ناخشگوار واقعہ کی کوئی خبر موصول نہیں ہوئی۔اسٹیٹ الیلکشن کمشنر کے کے شرما نے بتایا کہ جنوبی کشمیر میں ایک جگہ پر پتھراؤ کے واقعہ کو چھوڑ کر ووٹنگ پرامن ڈھنگ سے انجام کو پہنچی۔

گزشتہ سال پانچ اگست کو دفعہ 370 کو ختم کیے جانے کے بعد پہلی بار ڈی ڈی سی کے الیکشن ہو رہے ہیں اور یہ پہلا موقع ہے کہ علیحدگی پسندوں نے الیکشن کا بائیکاٹ نہیں کیا۔

انہوں نے کہاہے کہ ڈی ڈی سی کے 43 انتخابی حلقوں میں آج پر امن ڈھنگ سے بڑے پیمانے پر ووٹنگ ہوئی۔ اس دوران 7,00,842 میں سے 1,93,375 مرد، 1,69,391 خاتون سمیت ووٹر 3,62,766 نے کونسل میں اپنے نمائندوں کے انتخاب کے لیے حق رائے دہی کا استعمال کیا۔