کووڈ ٹیکہ کاری مہم کے تحت 199 کروڑ ٹیکے لگائے گئے

نئی دہلی: کووڈ ویکسینیشن مہم کے تحت ملک بھر کے لوگوں کو 199 کروڑ سے زیادہ ٹیکے لگائے جا چکے ہیں، صحت اور خاندانی بہبود کی مرکزی وزارت نے بتایا کہ آج صبح 7 بجے تک 199 کروڑ 59 ہزار 536 ٹیکے لگائے جا چکے۔

وزارت نے کہا کہ گزشتہ 24 گھنٹوں میں کووڈ انفیکشن کے 13 ہزار 615 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد ایک لاکھ 31 ہزار 43 ہو گئی ہے۔ یہ متاثرہ کیسز کا 0.30 فیصد ہے۔ روزانہ انفیکشن کی شرح 3.23 فیصد تک پہنچ گئی ہے۔

وزارت نے کہا کہ 13 ہزار 265 لوگوں نے کووڈ سے نجات حاصل کی ہے۔ اب تک کووڈ سے کل چار کروڑ 29 لاکھ 96 ہزار 427 مریض صحت یاب ہو چکے ہیں۔ شفایابی کی شرح 98.50 فیصد ہے۔ گزشتہ 24 گھنٹوں میں ملک میں 4 لاکھ 21 ہزار 292 کووڈ ٹیسٹ کیے گئے ہیں۔ ملک میں کل 86 کروڑ 73 لاکھ 10 ہزار 272 کووڈ ٹیسٹ کیے گئے ہیں۔