دہلی میں کورونا کے 1904 نئے کیسز، فعال معاملوں میں اضافہ کا سلسلہ جاری

نئی دہلی: دارالحکومت دہلی میں گذشتہ 24 گھنٹوں کے دوران کورونا وائرس کے نئے کیسز کے مقابلے میں صحتیاب ہونے والوں کی تعداد کم ہونے سے ایکٹو کیسز کی تعداد میں اضافہ کا سلسلہ جاری ہے اور اب ان کی تعداد بڑھ کر آٹھ ہزار ہو گئی ہے۔

دہلی کے محکمہ صحت کی جانب سے پیر کی شام جاری کردہ بلیٹن کے مطابق گذشتہ 24 گھنٹوں میں 1،904 نئے کیسز سامنے آئے ، جس سے ریاست میں کورونا متاثرین کی تعداد 6،59،619 ہوگئی ۔ وہیں 6 افراد کی موت ہونے کے ساتھ ہی مرنے والوں کی تعداد 11،012 ہوگئی۔

بلیٹن کے مطابق گذشتہ روز 68،805 نمونوں کی جانچ کی گئی۔ ریاست میں شفایابی کی شرح 97.11 فیصد ہے۔فی الوقت شہر میں 4،639 کورونا مریض گھروں میں آئیسو لیشن میں ہیں ، جن میں سے بیشتر بغیر علامات یا کم علامات والے مریض ہیں۔ ریاست میں ایکٹو کیسز کی تعداد 8،032 اور ممنوعہ علاقوں کی تعداد 1849 ہوگئی ہے۔