پاٹلی پُتر-لکھنؤ ایکسپریس سمیت 14 ٹرینیں منسوخ، 51 ریل گاڑیوں کے راستے تبدیل

شمال مشرقی ریلوے کے لکھنؤ ڈویژن کے گورکھپور-گونڈہ ریل ٹریک پر واقع ڈومین گڑھ-جگ تبیلا کے درمیان آٹومیٹک سگنلنگ کام سمیت دیگر تعمیری کام کئے جا رہے ہیں۔ اس کے سبب ٹرین نمبر 12529 پاٹلی پُتر لکھنؤ ایکسپریس سمیت 14 ٹرینوں کی آمد و رفت منسوخ کر دی گئی ہے جبکہ 51 ٹرینیں تبدیل شدہ راستے سے چلیں گی۔ ڈومین گڑھ اسٹیشن پر 27 اکتوبر تک پری این آئی/این آئی کام کیا جانا ہے۔ وسط مشرقی ریلوے کے چیف پبلک ریلیشن آفیسر سرسوتی چندر نے یہ اطلاع دی۔

جن ٹرینوں کو منسوخ کیا گیا ہے ان میں لکھنؤ-پاٹلی پُتر ایکسپریس (15 سے 26 اکتوبر)، پاٹلی پُتر-لکھنؤ ایکسپریس (15 سے 26 اکتوبر)، گوالیار- برونی ایکسپریس (23 اکتوبر سے 26 اکتوبر)، برونی-گوالیار ایکسپریس (24 اکتوبر سے 27 اکتوبر)، گوالیار-برونی اسپیشل (16، 20، 23 اور 27 اکتوبر)، برونی-گوالیار اسپیشل (17، 21، 24 اور 28 اکتوبر)، آنند وِہار-سہرسہ اسپیشل (15 سے 27 اکتوبر)، سہرسہ-آنند وِہار اسپیشل (16 سے 28 اکتوبر)، آنند وِہار-باپو دھام موتیہاری ایکسپریس (16، 19، 21، 23 اور 26 اکتوبر)، باپو دھام موتیہاری- آنند وِہار ایکسپریس (17، 20، 22، 24 اور 27 اکتوبر) شامل ہیں۔

ان کے علاوہ مظفرپور-ہری دوار اسپیشل (19 اور 26 اکتوبر)، ہری دوار-مظفرپور اسپیشل (18 اور 25 اکتوبر)، آگرہ کینٹ-فاربس گنج اسپیشل (18 اور 25 اکتوبر)، فاربس گنج-آگرہ کینٹ اسپیشل (19 اور 26 اکتوبر) بھی منسوخ ہونے والی ٹرینوں میں شامل ہیں۔

اس دوران کئی ٹرینوں کو تبدیل شدہ روٹ پر چلانے کا فیصلہ کیا گیا ہے۔ کٹیہار سے 22 سے 26  اکتوبر تک کھلنے والی 15707 کٹیہار-امرتسر ایکسپریس اپنے تبدیل شدہ راستے چھپرہ-اوڑینہار-وارانسی جنکشن-بنارس- پریاگ راج جنکشن- کانپور سنٹرل کے راستے پر چلائی جائے گی۔

امرتسر سے 22 سے 26 اکتوبر تک کھلنے والی 15707 امرتسر-کٹیہار ایکسپریس اپنے تبدیل شدہ راستے کانپور سنٹرل-پریاگ راج جنکشن-بنارس- وارانسی جنکشن-اوڑینہار-چھپرہ کے راستے پر چلائی جائے گی۔ کٹیہار سے 16 سے 21 اکتوبر تک کھلنے والی 15707 کٹیہار-امرتسر ایکسپریس تبدیل شدہ راستہ چھپرہ-اوڑینہار-وارانسی جنکشن-ایودھیا کینٹ-بارابنکی کے درمیان چلائی جائے گی۔

ایودھیا کینٹ-بارہ بنکی کے راستے چلائی جائے گی۔ سہرسہ سے 16 سے 27  اکتوبر تک کھلنے والی 12553 سہرسہ-نئی دہلی ایکسپریس تبدیل شدہ راستے گورکھپور-بڑھنی-گونڈا کے راستے چلے گی۔ گوہاٹی سے 16 اور 23 اکتوبر کو کھلنے والی 15653 گوہاٹی-جموں توی ایکسپریس تبدیل شدہ راستے گورکھپور-بڑھنی-گونڈا کے راستے چلے گی۔ سہرسہ سے 20 اور 27 اکتوبر کو کھلنے والی 15531 سہرسہ-امرتسر ایکسپریس تبدیل شدہ راستے گورکھپور-بڑھنی-گونڈا کے راستے چلے گی۔