گجرات کے بھڑوچ میں بڑا حادثہ ، کووڈ سینٹر میں آگ لگنے سے 12 کی موت

گجرات سےایک دل دہلانے والی خبر آئی ہے ۔ گجرات کے بھڑوچ ضلع میں واقع پٹیل ویلفیئر اسپتال میں بنے کووڈ کیئر سینٹر میں زبردست آگ لگی اور خبروں کے مطابق اس آگ میں 12 لوگوں کی موت ہوگئی ۔واضح رہےکل دیر رات یہ حادثہ پیش آیا ۔

واضح رہے پٹیل ویلفیئر اسپتال میں کورونا کےمریضوں کےعلاج کے لئے کووڈ کیئر سینٹر بنایا گیا تھا ۔ آگ لگنے کے فورا بعد اسپتال میں داخل مریضوں کو قریبی اسپتال میں منتقل کرایا گیا ۔ خبروں کے مطابق آگ اتنی زبردست تھی کہ اس کی چپیٹ میں کئی لوگ آ گئے۔

اے بی پی نیوز پر شائع خبر کے مطابق آگ کی چپیٹ میں آ کر درجن بھر لوگوں کی موت ہو گئی۔ اے بی پی نیوز نے اس کی تصدیق پولیس ذرائع سے کی ہے۔آگ لگنے کی وجہ کا پتہ نہیں چل سکا ہے اور پولیس انتظامیہ موقع پرموجود ہے۔