آئی پی ایل 2020: ’ہم نے سب کچھ کرنے کی کوشش کی‘ کے کے آر کے کپتان کارتک کا بیان

ابو ظہبی: آئی پی ایل کی ٹیم کے کے آر (کولکاتا نائٹ رائیڈرز) کے کپتان دنیش کارتک نے رائل چیلنجرز بنگلور (آر سی بی) کے بلے باز ڈولیئرز کی جم کر تعریف کی۔ کارتک نے کہا کہ ڈولیئرز ایک عالمی سطح کے کھلاڑی ہیں اور انہیں اس طرح کے گراؤنڈ پر روک پانا مشکل ہے۔ انہوں نے یہ بھی کہا کہ جیت کے لئے انہوں نے سب کچھ کیا لیکن دونوں ٹیموں میں ڈولیئرز نے فرق پیدا کیا اور کے کے آر ہار گئی۔

واضح رہے کہ ڈولیئرز نے 33 گیندوں پر کھیلی گئی تیز طرار 73 رن کی اننگ کے دم پر بنگلور نے پہلے بلے بازی کرتے ہوئے 2 وکٹ پر 194 رنز بنائے۔ اس کے جواب میں کولکاتا کی ٹیم 9 وکٹ پر 112 رنز ہی بنا سکی۔ کولکاتا کی جانب سے اوپنر شبمن گل نے سب سے زیادہ 34 رن کی اننگ کھیلی جبکہ آندرے رسل اور راہل ترپاٹھی نے 16-16 رن کا تعاون دیا۔

ہار کے بعد دنیش کارتک نے ڈولیئرز کی تعریفوں کے پل باندھتے ہوئے کہا، ’’اے بی بہترین کھلاڑی ہیں۔ انہیں روکنا مشکل ہے۔ انہوں نے ہی دونوں ٹیموں میں فرق پیدا کیا۔ ہم نے سب کچھ کرنے کی کوشش کی۔ صرف ان سوئنگ ہوتی یارکر ہی انہیں روک پا رہی تھی، ورنہ تمام گیندیں باہر جا رہی تھیں۔

کارتک نے کہا، ’’ہمیں کچھ چیزیں بہتر کرنے کی ضرورت ہے۔ بھلے ہی ہم انہیں 175 رن پر روک دیتے لیکن ہمیں بلے بازی میں بہتر کاکردگی کا مظاہرہ کرنا ہوگا۔‘‘ کے کے آر 7 میچوں میں جیت کے ساتھ 8 پوئنٹس لے کر ٹیبل میں چوتھے مقام پر ہے، جبکہ بنگلور کی ٹیم 5 فتوحات کے ساتھ تیسرے مقام پر ہے۔