راجستھان بمقابلہ کنگز الیون پنجاب: ویلن سے اچانک ہیرو بنے راہل تیواتیا کا بیان آیا سامنے

27 ستمبر کو کھیلے گئے آئی پی ایل میچ میں راجستھان رائلز نے حیرت انگیز طریقے سے کنگز الیون پنجاب کو شکست دے دی۔ اس جیت کے اہم ہیرو سنجو سیمسن اور راہل تیواتیا رہے۔ لیکن راہل تیواتیا نے شیلڈن کو ٹریل کے ذریعہ پھینکے گئے 18ویں اوور میں جو پانچ چھکے لگائے، اس سے قبل تک ٹیم کے لیے ویلن نظر آ رہے تھے۔ انھوں نے 19 گیندوں پر محض 8 رن بنائے تھے، لیکن پھر سب کچھ بدل گیا۔ ایک اوور میں پانچ چھکوں نے راجستھان کو جیت سے بھی ہمکنار کرایا اور سبھی کو یہ بھلا بھی دیا کہ انھوں نے 8 رن بنانے کے لیے 19 گیندوں کا سامنا کیا۔

ا س سلسلے میں راہل تیواتیا کا رد عمل سامنے آیا ہے اور انھوں نے بتایا ہے کہ وہ سست رفتاری سے بلے بازی کے وقت کیسا محسوس کر رہے تھے اور پھر بعد میں کیسا محسوس کیا۔ انھوں نے کہا کہ "میں اب اچھا محسوس کر رہا ہوں۔ شروعات کی 20 گیندیں میرے کیریر کی سب سے خراب گیندیں رہیں۔ اس کے بعد میں نے مارنا شروع کیا۔" انھوں نے مزید کہا کہ "میں جانتا تھا کہ ڈگ آؤٹ میں گیند کو ہِٹ کر سکتا ہوں۔ میں جانتا تھا کہ مجھے اپنے آپ میں بھروسہ کرنے کی ضرورت ہے۔ یہ صرف ایک چھکّے کی بات تھی۔ پانچ چھکّے ایک اوور میں آئے، یہ شاندار تھا۔"