حیدرآبادکی لگاتار تیسری شکست ، گیند بازوں نے ممبئی کو جیت دلائی

ممبئی انڈینس نے حیدرآباد سنرائزرس کو 13 رن سےشکست دی۔ اوپنر کونٹن ڈی کاک (40)، کپتان روہت شرما (32) اور کیرون پولارڈ (ناٹ آؤٹ 35) کی شاندار پاریوں کے بعد گیندبازوں کے زبردست مظاہرے سے ممبئی انڈینس نے سن رائزرس حیدرآباد کو آئی پی ایل 14 کے مقابلے میں ہفتے کے روز 13 رن سے شکست دے دی۔

یہ حید رآباد کی لگاتار تیسری شکست ہے۔ممبئی نے 20 اوور میں پانچ وکٹ پر 150 رن کا چیلنج بھرا اسکور بنایا اور حیدرآباد کو 19.4 اوور میں 137 رن پر نمٹا دیا۔ ممبئی کی طرف سے بائیں ہاتھ کے تیز گیندباز ٹرینٹ بولٹ نے 28 رن پر تین وکٹ اور راہل چاہر نے 19 رن پر تین وکٹ حاصل کیے۔حیدرآباد کے مڈل اور لوور آرڈر بلے بازوں نے پھر سے کمزوری کا مظاہرہ کیا اور ٹیم کو ہدف تک نہیں پہنچا سکے۔

واضح رہےپہلے کھیلتے ہوئے ممبئی انڈینس نے 20 اوور میں پانچ وکٹ کھو کر 150 رن بنائے تھے لیکن اس کی شاندار گیندبازی کی وجہ سے حیدراباد صرف 19.4اوور میں 137 رن ہی بنا پائی اور پوری ٹیم آؤٹ ہو گئی۔ممبئی کی جیت کےہیرو رہے اسپنر راہل چہر اور تیز گیندباز ٹرینٹ بولٹ ۔راہل اور ٹرینٹ بولٹ نے تین تین وکٹ لئے۔

حیدرآباد کی شروعات بہت دھماکہ دار رہی ۔ ڈیوڈ وارنر اور بیرسٹو نےشاندار بلےبازی کرتےہوئے پہلے7.2 اوور میں 67 رن بنائے۔ بیرسٹو نے 22 گیندوں میں 43 رن بنائے۔