گجرات نے ممبئی کو ایک سنسنی خیز مقابلہ میں شکست دی، گل پانڈیا پر رہے بھاری

گجرات ٹائٹنز، شبمن گل کی کپتانی میں، احمد آباد کے نریندر مودی اسٹیڈیم میں ائی پی ایل 2024 کے پانچویں میچ میں ہاردک پانڈیاکی قیادت والی ممبئی انڈینز کو 6 رنز سے شکست دی۔ گجرات کی جانب سے امیش یادیو نے آخری اوور میں 19 رنز بچائے اور دو بلے بازوں کو پویلین بھیج دیا، جن میں ہاردک پانڈیا بھی شامل تھے۔ ہاردک نے پہلی دو گیندوں پر 10 رنز بنا کر میچ تقریباً ممبئی کے کھاتے میں ڈال دیا تھا لیکن پھر تیسری گیند پر اُمیش نے انہیں پویلین کا راستہ دکھا دیا۔

ایک وقت ایسا لگ رہا تھا کہ گجرات میچ ہار گیا ہے اور ممبئی آسانی سے جیت جائے گا۔ گجرات کے گیند بازوں نے ممبئی کے بلے بازوں کو شکست دے کر جیت حاصل کی۔ ممبئی مسلسل 12ویں سیزن میں آئی پی ایل کا اپنا پہلا میچ ہار گیا۔ 2013 کے بعد پہلے میچ میں شکست ممبئی کا پیچھا نہیں چھوڑ رہی ہے۔

ممبئی نے ٹاس جیت کر بولنگ کا فیصلہ کیا۔ گجرات ٹائٹنز، جو پہلے بیٹنگ کرنے آئی، نے 20 اوورز میں 168/6 رنز بنائے۔ سائی سدرشن نے ٹیم کے لیے 45 (39 گیندوں) کی سب سے بڑی اننگز کھیلی جس میں 3 چوکے اور 1 چھکا شامل تھا۔ اس دوران بمراہ نے ممبئی کے لیے سب سے زیادہ 3 وکٹ لیے۔

169 رنز کے ہدف کے تعاقب میں اترنے والی ممبئی انڈینز کی شروعات انتہائی خراب رہی جب اس نے پہلے اوور کی چوتھی گیند پر ایشان کشن کی صورت میں پہلی وکٹ گنوائی جنہیں عظمت اللہ نے بغیر کھاتہ کھولے پویلین بھیج دیا۔  اس کے بعد ٹیم نے تیسرے اوور کی آخری گیند پر دوسری وکٹ نمن دھیر کی صورت میں گنوائی جو تیز اننگز کھیل رہے تھے۔ نمن دھیر نے 10 گیندوں میں 3 چوکوں اور 1 چھکے کی مدد سے 20 رنز بنائے۔

ممبئی کے سابق کپتان روہت شرما اور ڈیولڈ بریوس نے تیسرے وکٹ کے لیے 77 (55 گیندوں) کی شاندار اور اہم شراکت داری کی۔ اس شراکت کی مدد سے ممبئی کا سکور 100 سے تجاوز کر گیا۔ ممبئی کو تیسرا جھٹکا 13ویں اوور میں 107 رنز کے اسکور پر روہت شرما کی صورت میں لگا۔ سابق کپتان نے 7 چوکوں اور 1 چھکے کی مدد سے 43 رنز (29 گیندوں) کی اننگز کھیلی۔ لیکن یہ شراکت ممبئی کے لیے کسی کام کی نہ ہو سکی۔

اس کے بعد ٹیم کو چوتھا دھچکا ڈیولڈ بریوس کی صورت میں لگا جو اچھی اننگز کھیل رہے تھے جو موہت شرما کے ہاتھوں کیچ آؤٹ ہوئے۔ یہاں سے مقابلے کا رخ  کافی حد تک بدل گیا۔ جبکہ بریوس 38 گیندوں پر 46 رنز بنانے کے بعد آؤٹ ہوئے جس میں 2 چوکے اور 3 چھکے شامل تھے۔ اس کے بعد ٹیم کو پانچویں وکٹ 18ویں اوور میں ٹم ڈیوڈ کی صورت میں گرا جنہوں نے صرف 1 چوکے کی مدد سے 10 گیندوں پر 11 رنز بنائے۔ اس کے بعد 19ویں اوور میں ٹیم کی چھٹی وکٹ تلک ورما کی صورت میں گری جو 1 چوکے اور 1 چھکے کی مدد سے 25 رنز (19 گیندوں) بنانے کے بعد پویلین لوٹ گئے۔

اس کے بعد 19ویں اوور میں جیرالڈ کوٹزی (01) آؤٹ ہوئے جنہیں اسپینسر جانسن نے آؤٹ کیا۔ اس کے بعد 20ویں اوور کی تیسری گیند پر کپتان ہاردک پانڈیا جو ممبئی کی آخری امید تھے، آؤٹ ہو گئے۔ ہاردک نے 4 گیندوں میں 1 چوکے اور 1چھکے لگا کر 11 رنز بنائے۔ اس کے بعد اگلی گیند پر پیوش پویلین لوٹ گئے۔گجرات کی جانب سے عظمت اللہ عمرزئی، اسپینسر جانسن، موہت شرما اور امیش یادیو نے 2،2 وکٹیں حاصل کیں۔ اس کے علاوہ سائی کشور کو ایک کامیابی ملی۔