انٹرویو— مہارانی وسندھرا کی الٹی گنتی شروع: سچن پائلٹ

ہماری پارٹی انتخابات کے لیے پوری طرح سے تیار ہے۔ اجمیر، الور کی ہر ریلی میں ہم نے کہا تھا کہ نئے سال میں ہمیں ہمارے صدر راہل گاندھی جی کو جیت کا تحفہ دینا ہے۔ ہمیں خوشی ہے کہ عوام نے ہماری عزت رکھی۔ ہم راہل جی کو جیت کا تحفہ دینے میں کامیاب رہے۔ ان کی قیادت میں کانگریس پارٹی انتخابات لڑنے کے لیے پوری طرح سے تیار ہے۔ انتخابات کے لیے راہل جی کی ٹیم تیار ہو چکی ہے۔

دیکھیے، میں بہت واضح طریقے سے اور زور دے کر کہنا چاہتا ہوں کہ کانگریس پارٹی کے اندر کوئی گروپ بندی نہیں ہے۔ کانگریس پارٹی کے اندر اگر کوئی گروپ ہے تو وہ ہے راہل گاندھی کا۔ ہم سب لوگ اسی گروپ کے حصے ہیں۔ اگر کانگریس پارٹی کے اندر گروپ بندی ہوتی تو ضمنی انتخاب میں اتنی بڑی فتح کیسے حاصل ہوتی۔ آپ جس گروپ بندی کی بات کر رہے ہیں وہ سب بی جے پی کا پھیلایا ہوا پروپیگنڈا ہے۔ گہلوت جی، جوشی جی اور ہم سب نے مل کر کانگریس پارٹی کی فتح کے لیے سخت محنت کی ہے۔

کانگریس کی روایت ہے کہ انتخاب جیتنے کے بعد قانون ساز پارٹی کی میٹنگ ہوتی ہے اور اس میں وزیر اعلیٰ کا انتخاب کیا جاتا ہے۔ جہاں تک میری بات ہے تو میں دس سال ممبر پارلیمنٹ رہا، یو پی اے حکومت میں وزیر بھی رہا۔ پارٹی نے 35 سال کی عمر میں ریاست کا صدر بنا دیا۔ صرف مجھے ہی نہیں بلکہ کانگریس پارٹی نے ہر کسی کو عزت دی ہے۔ اشوک گہلوت جی دو بار ریاست کے وزیر اعلیٰ رہے۔ وہ مرکز میں بھی وزیر رہے۔ اسی طرح جوشی جی بھی وزیر ریل رہے۔ پارٹی نے ہم سب کو بہت کچھ دیا ہے۔ میرےخیال سے سوال یہ نہیں ہے کہ پارٹی ہمیں کیا دے گی، سوال یہ ہے کہ ہم پارٹی کو کیا دیں گے؟ پارٹی نے ہمیں بہت دیا ہے... اب ہماری باری ہے کہ پارٹی کی جیت کے لیےخوب محنت کریں۔

ہماری پالیسیاں عوام کے مسائل اور پریشانیوں کو دور کرنے پر مبنی ہوں گیں۔ کسانوں کے مسائل، مہنگائی، بےروزگاری اور بدعنوانی کے خلاف ہم راہل جی کی قیادت میں پوری طاقت کے ساتھ انتخاب لڑیں گے۔

یہ بہت مضحکہ خیز ہے کہ مندر راہل جی جاتے ہیں اور پیٹ میں درد بی جے پی کو ہوتا ہے۔ میں پوچھتا ہوں کہ بی جے پی کے پیٹ میں کیوں درد ہوتا ہے جب راہل جی مندر جاتے ہیں۔ کوئی بھی کہیں بھی جائے... مندر جائے، مسجد جائے، گرودوارا جائے کیا فرق پڑتا ہے۔ یہ ہر کسی کا آئینی حق ہے۔ لیکن بی جے پی کو تو آئین کو ہی بدلنا ہے۔ انھیں تکلیف اس لیے ہو رہی ہے کیونکہ راہل جی کے مندر جانے سے ان کے چہرے سے ’کٹّرپسندی‘ کا نقاب اتر جاتا ہے۔ اتنے عظیم اور روادار مذہب کے نام پر بی جے پی نے جو کٹرپسندی کا نقاب چڑھا رکھا ہے وہ اتر جاتا ہے، اسی لیے انھیں ڈر لگتا ہے۔

انتخابات کا اعلان کرنا بے شک حکومت کے ہاتھ میں ہے لیکن ایک ساتھ پورے ملک میں اسمبلی اور لوک سبھا کے انتخابات کرانا آئین کے خلاف ہے۔ یہ ہماچل پردیش اور گجرات میں اسمبلی کے انتخابات ایک ساتھ تو کرا نہیں سکے تو پورے ملک میں کیسے ایک ساتھ انتخابات کرا پائیں گے۔ ضمنی انتخاب بھی تو ایک ساتھ نہیں کرا پائے۔ راجستھان میں ابھی ضمنی انتخابات ہوئے ہیں لیکن یوپی میں ہونا ہے، مہاراشٹر میں ہونا ہے۔ یہ سب کیسے ہوگا؟ اصل بات یہ ہے کہ بی جے پی کسی بھی طریقے سے اقتدار پر قبضہ کرنا چاہتی ہے چاہے اس کے لیے آئین کو ہی کیوں نہ اکھاڑ پھینکنا پڑے۔ پھر بھی اگر ایک ساتھ انتخاب ہوتے ہیں تو مجھے پورا یقین ہے کہ ملک کی عوام کانگریس پارٹی کو ہی فتح سے ہمکنار کرے گی۔

اس بات کو پارٹی کی فتح سے مت جوڑیے۔ دراصل یہ عوام کی فتح ہوگی۔ ملک کی عوام اب بی جے پی کی بدتر حکمرانی سے اور خوف سے آزادی چاہتی ہے۔ پورے ملک میں چاروں طرف خوف اور بدعنوانی کا ماحول ہے۔ میں اور میری پارٹی انتخاب لڑنے کے لیے پوری طرح سے تیار ہیں۔ ہم انتخابات میں جائیں گے اور بی جے پی کو شکست فاش دیں گے۔

گھنشیام تیواری جی صوبے کے معزز لیڈروں میں سے ایک ہیں۔ وہ بی جے پی کے رکن بھی ہیں۔ ان سے ہماری جب بھی ملاقات ہوتی ہے تو دعا سلام ضرورہوتا ہے لیکن اس سلسلے میں کبھی کوئی بات نہیں ہوئی۔ ویسے مجھے لگتا ہے کہ انتخابات میں یکساں سوچ رکھنے والے لوگوں کو ساتھ لینے میں کسی کو کوئی دقت نہیں ہوگی۔ جس کسی کو بھی راہل گاندھی کی قیادت پر اور کانگریس کی سوچ پر یقین ہے اس کا استقبال ہے۔ بس ایک بات یہ دھیان رکھنے کی ہے کہ راجستھان میں لڑائی کانگریس اور بی جے پی کے درمیان طے ہے اس لیے کسی تیسری پارٹی یا محاذ کی گنجائش نہیں ہے۔

یہ سبھی بے بنیاد باتیں ہیں۔ بی جے پی اس طرح کی غلط فہمی پہلے بھی پھیلاتی رہی ہے۔ حقیقت تو یہ ہے کہ ہم نے کبھی بھی ذات اور مذہب کی سیاست نہیں کی۔ ہم سماج کو تقسیم کرنے کی سیاست نہیں کرتے۔ ہم نے کسانوں کے بحران سے لے کر موب لنچنگ کے ایشو پر سڑک سے لے کر پارلیمنٹ تک بی جے پی کو چیلنج دیا ہے۔ ہم آگے بھی ایسا ہی کرتے رہیں گے۔

میری جوابدہی عوام کے تئیں ہے۔ میں سڑک کی سیاست کرتا ہوں اس لیے اقتدار کے گلیاروں میں کم ہی نظر آتا ہوں۔ راجستھان کی عوام سے میرا جذباتی لگاؤ ہے۔ میں ان کے درمیان رہتا ہوں، ان کے ایشوز کو اٹھاتا ہوں، ان کے ساتھ کام کرتا ہوں تاکہ ان کو لگے کہ کوئی ان کے درد کو بھی آواز دے رہا ہے۔ راجستھان کی عوام کو محسوس ہونے لگا ہے کہ کانگریس پارٹی ہی ان کی آواز ہے۔ یہی میری حصولیابی ہے۔ اس آواز کے سامنے بی جے پی کا شوروغل اور جھوٹی تشہیر کی یقینی شکست ہوگی۔

دیکھیے، مودی جی ہمارے بھی وزیر اعظم ہیں۔ ملک کی عوام نے انھیں منتخب کیا ہے، اس لیے وہ معزز ہیں۔ لیکن وہ جتنا جھوٹ بولتے ہیں اور جتنی آسانی اور اعتماد کے ساتھ جھوٹ بولتے ہیں وہ ناقابل تصور ہے۔ ان کی حکومت کے چار سال ہونے کو ہیں لیکن انھوں نے ابھی تک کوئی وعدہ پورا نہیں کیا ہے۔ دو کروڑ روزگار پیدا کرنے کی بات ہو یا 15 لاکھ روپے ہر ہندوستانی کو دینے کا وعدہ یا پھر وِکاس کے بڑے بڑے خواب دکھانے کی بات، سبھی اس وقت تک محض جملے ہی ثابت ہوئے ہیں۔ راہل جی نے ٹھیک کہا تھا کہ یہ ’سوٹ بوٹ کی حکومت‘ ہے۔ اس میں ایک لائن اور جوڑ لیجیے کہ یہ ’جملوں کی حکومت‘ ہے۔ ایک جملہ ختم نہیں ہوتا کہ دوسرا شروع ہو جاتا ہے۔