مودی حکومت پارلیمنٹ نہیں چلنے دے رہی: اے کے انٹونی

میری یاداشت میں ایسا پہلی دفعہ ہو رہا ہے کہ حکومت تعطل کا حل نکالنے کی کوشش نہیں کر رہی۔ پارلیمنٹ میں ہنگامہ کوئی پہلی بار نہیں ہو رہا ، اس سے پہلے بھی ہوتا رہا ہے لیکن حکومت مسئلے کو حل کرنے کی کوشش کرتی تھی جبکہ مودی حکومت کی منشا ہے کہ پارلیمنٹ نہ چلے۔وہ اس صورت حال سے لطف اندوز ہو رہی ہے۔ مودی حکومت کو محسوس ہوتا ہے کہ مختلف سوالات پر اسے پارلیمنٹ میں گھیرا جا سکتا ہے ، اس سے بچنے کا یہی اچھا طریقہ ہے کہ پارلیمنٹ کو ہی نہ چلنے دیا جائے۔ وہ اب تک کے سب سے بڑے پی این بی کے گھوٹالے پر جواب دینے سے بچنا چاہتی ہے۔

بالکل نہیں، اس سے پہلے یہ نہیں ہوا۔ دو سابق لوک سبھا اسپیکر وں کے مطابق روایت یہ ہے کہ اگر تحریک عد م اعتماد کی تجویز پیش کر دی جائے تو پھر کوئی اور کارروائی عمل میں نہیں آتی۔ سب سے پہلے اسی پر اس وقت تک بحث ہوتی ہے جب تک تجویز گر نہ جائے۔ ابھی اسپیکر اس سے بچنے کی کوشش کر رہی ہیں۔ کم سے کم وہ ہاتھ اٹھا کر ارکان پارلیمنٹ سے پوچھ سکتی ہیں کہ کتنے لوگ اس تجویز کے حق میں ہیں اور کتنے مخالفت میں۔ لیکن یہاں حکومت تجویز کو مکمل طور پر نظر انداز کر رہی ہے۔ وہ اپنے مفادات کو بچانے کے لئے سب کچھ اپنے حساب سے چلا رہی ہے۔

میں تو راجیہ سبھا میں ہوں اور وہاں تمام حزب اختلاف نے واضح طور پر کہا ہے کہ بحث ہونی چاہئے۔ کانگریس بحث چاہتی ہے۔ اب پارلیمنٹ کو چلانا حکومت کی ذمہ داری ہے۔ ہم عراق میں جو سانحہ پیش آیا اس پر بحث چاہتے ہیں۔ حکومت مہلوکین کے خاندان سے ایسا جھوٹ کس طرح بول سکتی ہے؟ ہم آندھرا پردیش کو خصوصی اسٹیٹس دینے پر بحث کرنا چاہتے ہیں۔ حکومت عدم اعتماد کی تحریک پر بحث نہیں ہونے دینا چاہتی۔ یہ پہلی بار ہے کہ حکومت پارلیمنٹ کو چلانے میں بالکل دلچسپی نہیں لے رہی اور نہ ہی کوئی پہل کی جا رہی ہے۔