لوک سبھا انتخاب 2024: ’زمین پر حالات بدل رہے ہیں...‘، جگنیش میوانی سے امئے تروڈکر کا انٹرویو

جنوبی ہند سے انھیں زمینی حقائق کی جانکاری ملی ہوگی، انھیں اپنے کارکنان اور آر ایس ایس یا آئی بی سے بھی صورت حال کا اندازہ ہوا ہوگا۔ چیزیں ان کے حق میں نہیں جا رہی ہیں۔ پہلے مرحلہ میں ان کی گرفت چھوٹ چکی ہے۔ گجرات میں 26 میں سے 26 اور قومی سطح پر 400 سیٹیں حاصل کرنے کا تکبر ٹوٹ چکا ہے۔

اس میں مجھے کوئی شبہ نہیں۔ بابا صاحب امبیڈکر کے ذریعہ آئین ساز اسمبلی میں آئین پیش کیے جانے کے تین روز بعد آر ایس ایس کے ترجمان رسالہ ’آرگنائزر‘ نے لکھا تھا کہ ہمیں امبیڈکر کا آئین نہیں، منو اسمرتی چاہیے۔ اب اننت ہیگڑے جیسے کئی لیڈران نے دعویٰ کیا ہے کہ وہ آئین بدلنے آئے ہیں۔ آر ایس ایس میں بھی یہ بات چیت چل رہی ہے۔ واقعی ڈرنے کی بات ہے کہ وہ ہمارے سماجی تانے بانے کو بگاڑنا چاہتے ہیں، وہ آئین سے کھلواڑ کریں گے۔ یہ خطرناک معاملہ ہے۔ سماج کا بڑا حصہ اس تعلق سے فکرمند ہے۔

اس مرتبہ ایسا نہیں ہونے والا۔ 110 فیصد ایسا نہیں ہوگا۔ ہمارا عآپ کے ساتھ اتحاد ہے۔ ہم پاٹن، بناسکانٹھا، آنند، ولساڈ، جوناگڑھ، راجکوٹ میں اچھی طرح سے لڑ رہے ہیں۔

بی جے پی کے تکبر کے سبب۔

اس میں کوئی شبہ نہیں کہ کانگریس اسمبلی انتخاب میں صرف 17 سیٹیں ہی جیت سکی تھی۔ 2017 میں 77 کے بعد 17 سیٹوں پر محدود ہونا بڑی شکست ہے۔ لیکن اب ہوا بدل چکی ہے۔

آپ خاتون پہلوانوں کا معاملہ دیکھیں۔ انھیں برج بھوشن شرن سنگھ کے خلاف ایف آئی آر کے مطالبہ پر 100 دنوں سے زیادہ دہلی کی سڑکوں پر احتجاجی مظاہرہ کرنا پڑا۔ منی پور میں جو کچھ ہوا وہ سبھی کے سامنے ہے۔ یہاں گجرات میں انھوں نے بلقیس بانو کے زانیوں کو رِہا کر دیا گیا۔ مجھے نہیں لگتا کہ یہ سب ٹھیک ہو رہا ہے۔

حقیقت تو یہ ہے کہ وہ مایوس ہیں۔ ہندوستان کے کسی بھی حصے میں 60 سے 65 فیصد لوگ 25 سے 40 سال سے کم عمر کے ہیں۔ سبھی کو روزگار چاہیے۔ یہ ملازمتیں ہیں کہاں؟ کوئی ملازمت نہیں اور مودی نے تو اب اس بارے میں بولنا بھی بند کر دیا ہے۔ انھیں روزگار کی فکر نہیں ہے۔ ان کا دعویٰ تھا کہ سالانہ دو کروڑ ملازمتیں دیں گے۔ اس طرح تو اب تک انھیں 20 کروڑ ملازمتیں پیدا کر دینی چاہیے تھیں۔ سچ سبھی کے سامنے ہے۔

انھیں حملہ کرنے دیجیے۔ یہی ان کا کام ہے۔ ہم عوام کے حق میں اور ان کی فلاح کو پیش نظر رکھ کر تیار انتخابی منشور لے کر آئے ہیں۔ یہ ہندوستان کی ترقی کا بلو پرنٹ ہے۔

لوگ اس بات کو سمجھ رہے ہیں کہ ریزرویشن کی حد بڑھانے کا یہی واحد طریقہ ہے۔ وہ جانتے ہیں کہ اس ڈاٹا سے انھیں قومی وسائل میں اپنی حصہ داری جاننے میں مدد ملے گی۔

میرا جواب ہوگا ہندوستان کے لوگ۔ ڈاکٹر امبیڈکر نے لکھا ہے کہ سیاست میں ہیرو کی پوجا مناسب نہیں۔ ہمارے پاس انڈیا بلاک ہے، ہم کوئی بھی فیصلہ اجتماعی طور پر لیں گے۔

دیکھیے، اگر میں وزیر اعظم بن جاتا ہوں اور اگر میں بے زمین لوگوں کو زمین نہیں تقسیم کر رہا، اگر مجھے ایم ایس ایم ای کو دوبارہ زندہ کرنے کی پروا نہیں ہے، اگر مجھے منریگا کی فکر نہیں ہے، اگر میں خالی سرکاری عہدوں کو نہیں بھرتا، تو پھر ایک مضبوط قیادت کا کیا مطلب؟ لوگ ایسی حکومت چاہتے ہیں تو ان کے لیے کام کریں، نہ کہ چند دوستوں کے لیے۔

(جگنیش میوانی کا یہ انٹرویو امئے تروڈکر نے لیا ہے جو انگریزی پورٹل ’فرنٹ لائن‘ پر شائع ہوا، اور اس کا ترجمہ یہاں پیش کیا گیا)