کانگریس میں بڑی تبدیلیاں ہونگی: راہل —(انٹرویو)

راہل گاندھی: دیکھیے، کانگریس کو ابھی بہت کام کرنا ہے۔ بہت سے ایسے نئے لوگ ہیں جنھیں ہمیں آگے لانا ہوگا۔ کانگریس میں صلاحیتوں کی کمی نہیں ہے۔ کانگریس کے پاس ایسی صلاحیتیں موجود ہیں، ہمیں ان کی صلاحیت کا استعمال کرنا ہے۔ لیکن یہ دھیان رکھنا ہوگا کہ کانگریس کے خلاف ایک منصوبہ بند تشہیری مہم چل رہی ہے اور ہم ملک کو کانگریس کا اصلی چہرہ دکھانا چاہتے ہیں۔ آئندہ دنوں میں آپ یہ سب دیکھیں گے۔ آپ ایسے لوگوں کو دیکھیں گے جنھیں دیکھ کر آپ میں جوش پیدا ہوگا، جنھیں دیکھ کر آپ کہہ سکیں گے کہ ہاں دیکھو، یہ شخص آیا ہے جس کے ساتھ میں جڑنا چاہتا ہوں۔ میں ایسے ہی لوگوں کے ساتھ جڑنا چاہتا ہوں جو خاکسار اور مضبوط ارادو ںوالے ہیں۔

راہل گاندھی: ہاں، دراصل یہ میرا منصوبہ نہیں ہے۔ یہ کانگریس پارٹی کی خواہش ہے کہ اس میں تبدیلی ہو، اس میں ترقی ہو... میں تو صرف اس میں تعاون کروں گا۔

راہل گاندھی: جی ہاں، میرا ارادہ یہی ہے۔ ہم نے یوتھ کانگریس اور این ایس یو آئی میں کافی کام کیا ہے، بہت کامیابی کے ساتھ کام کیا ہے۔ ہم پارٹی میں زیادہ سے زیادہ نئے، نوجوان، پرجوش اور توانائی سے بھرپور لوگوں کولانا چاہیں گے۔ لیکن اس کا مطلب یہ قطعی نہیں ہے کہ پرانے اور تجربہ کار لوگوں کے لیے کوئی جگہ نہیں ہوگی۔

کانگریس پارٹی میں زبردست صلاحیت تھی اور اب بھی ہے۔ آپ موجودہ حکومت کی کابینہ پر نظر دوڑائیے اور اس کا موازنہ یو پی اے حکومت کی کابینہ سے کیجیے۔ صرف تصور کیجیے ان ناموں کی جو اس کابینہ میں تھے۔ کیا منموہن سنگھ جی کا مودی جی سے موازنہ ہو سکتا ہے۔ کہاں چدمبرم جی اور کہاں ارون جیٹلی جی۔ کیا اس حکومت میں کسی کا مقابلہ پرنب دا سے ہو سکتا ہے، یا پھر کسی کا موازنہ انٹونی جی سے ہو سکتا ہے؟ ایسی صورت میں جب آپ اس حکومت کو اور اس کی پالیسیوں کو دیکھیں گےتو پتہ چلے گا کہ ان میں تو کوئی دَم ہی نہیں ہے۔ جب آپ ان کی باتیں سنتے ہیں توخود ہی اندازہ لگ جاتا ہے۔ ذرا ملک کی خارجہ پالیسی پر غور کیجیے۔ ہماری خارجہ پالیسی کی کیسی حالت ہے۔

راہل گاندھی: عجیب سی بات ہے... ہر سماج کے لوگ ہمارے ساتھ کھڑے ہیں... الپیش، جگنیش، ہاردک، سب ایک ساتھ کھڑے ہیں۔ الگ الگ سماج کے لوگ متحد ہیں۔ شروعات میں بی جے پی کہتی ہے کہ ہم او بی سی ایشوز پر یہ انتخاب لڑیں گے، اب یہ تو عجیب بات ہوئی کہ تقسیم کرنے کی بات وہ کرتے ہیں اور پھر ہمارے بارے میں کہتے ہیں کہ ہم تقسیم کر رہے ہیں۔

ایشو یہ ہے کہ ہاردک ایک پٹیل ہیں، جگنیش ایک دلت ہیں اورالپیش ایک او بی سی ہیں۔ سبھی طبقات کانگریس کے پلیٹ فارم پر متحد ہو چکے ہیں۔ ایسے میں آپ ہم پر ذاتیات کا الزام کیسے لگا سکتے ہیں۔ یہ سب ہمارے اسٹیج پر ایک ساتھ ہیں۔ دوسری طرف پٹیل آپ سے ناراض ہیں، او بی سی آپ سے خفا ہیں اور دلت آپ سےغصہ ہیں... اور آپ کہتے ہیں کہ آپ یہ انتخاب او بی سی ایشو پر لڑیں گے۔ پھر بھی ہمارے بارے میں کہتے ہیں کہ ہم سماج کو تقسیم کر رہے ہیں۔ یہ تو بہت ہی تعجب کی بات ہے۔

یہ تو وہی بات ہوئی کہ مہاتما گاندھی، سردار پٹیل جی اورجواہرلال نہرو جی سالوں جیل میں وقت گزارتے ہیں اور ساورکر جی انگریزوں کے سامنےخود سپردگی کا تحریری کاغذ دے دیتے ہیں۔ اس کے باوجود بی جے پی کہتی ہے کہ مہاتما گاندھی اور سردار پٹیل ان کے لیڈر ہیں۔ اگر آپ پٹیل کو پڑھیں گے تو پتہ چلے گا کہ وہ آر ایس ایس کے کتنے بڑے مخالف تھے۔ انھوں نے آر ایس ایس پر پابندی عائد کرائی تھی۔ یہ سب ان کی تشہیری مہم کا حصہ ہے۔ یہ سب جھوٹ ہے، ان کے لیے سچ کوئی معنی نہیں رکھتا ہے۔

آپ نے شاید وہ ویڈیو کلپ دیکھا ہوگا جس میں مودی جی بلیٹ ٹرین کے بارے میں بات کر رہے ہیں۔ اس میں وہ کہتے ہیں کہ ٹرین کو اصلیت میں لانا ضروری نہیں ہے، صرف ٹرین کی نمائش کرنا ضروری ہے۔ ان کے لیے سچ کا کوئی مطلب ہی نہیں ہے۔ حقیقت سے انھیں کوئی سروکار نہیں ہے۔

راہل گاندھی: آپ ان کا تاریخی ریکارڈ اٹھا کر دیکھیے۔ پیارسے تو انھوں نے کبھی کسی کے بارے میں بات کی ہی نہیں۔ آپ ہماری پارٹی کو چھوڑ دیجیے، ان کی ہی پارٹی کو دیکھیے، ہر شئے کے بارے میں نفرت سے بات کرتے ہیں۔ یہ انکی فلاسفی ہے، سالوں سے ان کو یہی سکھایا گیا ہے۔ سابق وزیر اعظم کے بارے میں آپ جانتے ہیں کہ انھوں نے کیا بولا...۔

راہل گاندھی: جس شخص نے اپنی پوری زندگی ہندوستان کو دے دی ہے، 90 کی دہائی میں ہندوستان کی معیشت کو کھڑا کیا ہے، دس سال وزیر اعظم رہے، کیا نہیں دیا انھوں نے... اور ان کے بارے میں ایسا کہا جاتا ہے، آخر کیوں؟ صرف تھوڑے سے ووٹ حاصل کرنے کے لیے... انتخاب جیتنے کے لیے... یہی تو ان کا طریقہ ہے۔

راہل گاندھی: کانگریس کوئی ٹھہری ہوئی چیز نہیں ہے۔ کانگریس ایک حرکت والی اور جیتی جاگتی پارٹی ہے۔ ہم کانگریس پارٹی کے دروازے کھول دیں گے اور پورے ملک کے نوجوانوں کے لیے ایک متبادل نظریہ پیش کریں گے۔ محبت کا، بھائی چارے کا نظریہ اور ویزن کانگریس پارٹی دے گی۔ ابھی صرف یہ ہے کہ آپ ہندوستان میں غصہ پھیلا سکتے ہیں، ناراضگی پھیلا سکتے ہیں۔ تین سال پہلے لوگوں نے سوچا تھا کہ ٹھیک ہے، آر ایس ایس کے نظریات کی جو خامیاں ہیں ہم اسے برداشت کر لیں گے، مگرشاید ہمارا فائدہ ہوگا۔ لیکن پتہ لگا کہ خامیاں آ گئیں لیکن فائدہ حاصل نہیں ہوا۔ آپ مجھے بتائیے کہ نوٹ بندی سے کس کو فائدہ ہوا، گبر سنگھ ٹیکس یعنی جی ایس ٹی سے کس کو فائدہ ہوا، جی ڈی پی کو بے حال کر دیا گیا اس سے کس کو فائدہ ہوا؟ آپ 24 گھنٹے میں پورے ملک میں محض 450 لوگوں کو روزگار دیتے ہو اور چین 24 گھنٹے میں 50 ہزار لوگوں کو روزگار دیتا ہے۔ آپ کہتے ہیں کہ ہم چین سے مقابلہ کریں گے۔ آپ سال میں ایک لاکھ نوجوان کو بھی روزگار نہیں دے پاتے ہیں اور چین دو دن میں ایک لاکھروزگار دیتا ہے، یہ سب ہندوستانی عوام کو صاف نظر آ رہا ہے۔ کسان کو یہ بات سمجھ میں آنے لگی ہے کہ انھیں اناج کی مناسب قیمت نہیں مل رہی ہے۔ کسان یہ دیکھ سکتا ہے کہ تین چار لاکھ کروڑ روپے 10-15 لوگوں کے معاف کیے جا رہے ہیں اور جب ہم مانگتے ہیں تو ارون جیٹلی کہتے ہیں کہ بھیّا آپ کا قرض معاف کرنا ہماری پالیسی نہیں ہے۔ یہ سب عوام کو صاف دکھائی دے رہا ہے اور بی جے پی کے خلاف لوگوں میں ناراضگی پیدا ہو رہی ہے۔

کل میں دہلی میں کہیں جا رہا تھا، آٹو والے نے مجھ سے ہاتھ ملایا۔ وہ ہاتھ جوڑ کر کہتا ہے کہ راہل جی آپ ہمیں ان لوگوں سے بچا لو... ان لوگوں نے ہماری زندگی تباہ کر دی۔ ہمیں 50 روپے ملتے تھے پہلے اور اب 25 ملتے ہیں۔ پوراملک اس حالت کو دیکھ رہا ہے... ایک دیوالیہ پن کا عالم ہے۔

راہل گاندھی: شکریہ۔