ٹرمپ نے ترکی کے خلاف اقتصادی اقدامات کرنے کا دیا انتباہ
امریکی صدر نے کہا کہ لامتناہی جنگ کو ختم کرو، اب یہ وقت شام سے ہماری فوج کو واپس گھر بھیجنے کا ہے۔ اگر آئی ایس آئی ایس سر اٹھاتا ہے تو ہم آس پاس کے موجودہ بیس سے دوبارہ حملہ کریں گے۔
واشنگٹن: امریکی صدر ڈونالڈ ٹرمپ نے ترکی کو خبردار کیا ہے کہ اگر اس نے شام کے کردوں پر حملہ کرنے کا فیصلہ کیا تو اس کے خلاف اقتصادی پابندیاں نافذ کردی جائیں گی۔
ڈونالڈ ٹرمپ نے ٹوئٹ کیا کہ ’’ اگر وہ کردوں پر حملہ کریں گے تو ترکی کو اقتصادی طور پر تباہ کر دیا جائے گا۔ 20 میل محفوظ علاقے بنائیں۔ ہم نہیں چاہتے ہیں کہ کرد ترکی کو مشتعل کرے۔
انہوں نے شام میں جنگجو گروپ اسلامک اسٹیٹ (آئی ایس یا آئی ایس آئی ایس روس میں پابندی) کو تباہ کرنے کے لئے طویل مدتی امریکی پالیسی کے اہم مستفیدین کے طور پر روس، ایران اور شام کو شامل فہرست کیا۔
امریکی صدر نے کہا کہ لامتناہی جنگ کو ختم کرو۔ اب یہ وقت شام سے ہماری فوج کو واپس گھر بھیجنے کا ہے۔ اگر آئی ایس آئی ایس سر اٹھاتا ہے تو ہم آس پاس کے موجودہ بیس سے دوبارہ حملہ کریں گے۔
واضح رہے کہ ترکی کے صدر رجب طیب اردوگان نے گزشتہ دسمبر کے آغاز میں اعلان کیا تھا کہ اگر امریکہ اپنے فوجیوں کو وہاں سے نہیں ہٹاتا تو وہ يوفریٹ دریا کے مشرق کے ساتھ ساتھ شام کے مانبيج میں ترکی کی سرحد کے قریب کرد جنگجوؤں کے خلاف فوجی مہم شروع کرنے کے لئے تیار ہے۔
ڈونالڈ ٹرمپ اور طیب اردوگان کے درمیان 14 دسمبر کو فون پر بات چیت کے بعد، طیب اردوگان نے کہا کہ مہم ملتوی کر دی جائے گی۔ اسی بات چیت کے بعد ڈونالڈ ٹرمپ نے اعلان کیا کہ امریکی فوجیوں کو شام سے واپس لے لیا جائے گا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔