کورونا وائرس کے خدشات کے درمیان ٹرمپ کا انتخابی ریلی شروع کرنے کا منصوبہ: رپورٹ

واشنگٹن: امریکی صدر ڈونالڈ ٹرمپ نے کورونا وائرس وبا کے دوران 2020 کے انتخابات کے لئے اپنی انتخابی مہم کے تحت بڑے پیمانہ پر ریلیاں دوبارہ شروع کرنے کا ارادہ کیا ہے۔ یہ اطلاع میڈیا رپورٹ میں دی گئی ہے۔ این بی سی نیوز نے پیر کی شام اپنی رپورٹ میں کہا ہے کہ ڈونالڈ ٹرمپ رواں ماہ سے ریلیوں کی مہم دوبارہ شروع کرنے کی تیاری کر رہے ہیں۔ حالانکہ رپورٹ میں کہا گیا ہے کہ اجتماعی ریلیاں پھر سے شروع کرنے کے لئے ابھی کوئی حتمی فیصلہ نہیں لیا گیا ہے ۔

اس رپورٹ میں دو ذرائع کے حوالے سے ریلی کے امکانات کو دیکھتے ہوئے ڈونالڈ ٹرمپ کو گزشتہ ہفتہ مینی سوٹا میں پولیس کے ہاتھوں ایک سیاہ فام امریکہ جارج فلائیڈ کی موت پر احتجاج کرنے والے ہزاروں لوگوں کو دھیان میں رکھتے ہوئے ریلیوں کو پھر سے شروع کرنے کے لئے کہا گیا ہے۔ اس رپورٹ میں کہا گیا ہے کہ ڈونالڈ ٹرمپ کو بھی عوامی رائے شماری کی موجودہ لہر سے اشارہ مل سکتا ہے، جس میں انہیں اور ڈیمو کریٹ امیدوار اور سابق نائب صدر جو بائیڈن کو قومی سطح پر دکھایا گیا ہے۔