غزہ میں اسرائیلی حملوں میں جان گنوانے والوں کی تعداد بڑھ کر 23708 ہو گئی
غزہ کی پٹی میں اسرائیلی حملوں میں ہلاک ہونے والے فلسطینیوں کی تعداد بڑھ کر 23708 ہو گئی ہے۔ غزہ کی وزارت صحت نے جمعہ کو یہ اطلاع دی
غزہ پر اسرائیلی حملے کی فائل تصویر / Getty Images
غزہ: غزہ کی پٹی میں اسرائیلی حملوں میں ہلاک ہونے والے فلسطینیوں کی تعداد بڑھ کر 23708 ہو گئی ہے۔ غزہ کی وزارت صحت نے جمعہ کو یہ اطلاع دی۔ وزارت نے بتایا کہ گزشتہ 24 گھنٹے کے دوران اسرائیلی فوج کے حملوں میں 151 فلسطینی ہلاک جب کہ 248 زخمی ہوئے۔
وزارت کے مطابق 7 اکتوبر کو اسرائیل اور حماس کے درمیان تنازع شروع ہونے کے بعد سے اب تک 60005 فلسطینی اسرائیلی حملوں کی وجہ سے زخمی ہو چکے ہیں۔ متاثرین کی ایک بڑی تعداد اب بھی ملبے کے نیچے ہے اور ایمبولینس و سول ڈیفنس کی ٹیمیں ان تک نہیں پہنچ سکتیں۔
عینی شاہدین اور مقامی ذرائع نے بتایا کہ اسرائیلی طیاروں نے پہلے غزہ کی پٹی کے وسطی شہر دیر البلاح کے مغرب میں الاقصیٰ شہید اسپتال کے قریب ایک رہائشی مکان کو نشانہ بنایا جس کے نتیجے میں 11 افراد ہلاک اور متعدد شدید زخمی ہو گئے۔ دریں اثناء غزہ کی پٹی کے جنوب میں خان یونس اور وسطی غزہ کی پٹی میں المغازی مہاجر کیمپ میں مسلح جھڑپیں ہوئیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔