قطر میں طالبان۔امریکہ مذکرات ‘ فی الحال بے نتیجہ: طالبان

طالبان نے کہا کہ قطرکی دارالحکومت دوحہ میں طالبان کی مذکرات کار ٹیم اور امریکی وفد کے مابین جا ری مذکرات فی الحال کسی نتیجے تک نہیں پہنچ پائے ہیں ۔ گزشتہ ماہ کے آخر میں شروع ہئوے مذاکرات امریکی فوج کی افغانستان سے واپسی کے فیصلہ کی روشنی میں دیکھا جاا رہا ہے اور امید کی جا رہی ہے کہ ان مذاکرات کا مثبت نتیجہ نکلے گا۔

طالبان کے ترجمان ذبیح اللہ مجاہد نے اتوار کو ٹوئٹ پر کہا’’ دوحہ میں موجودہ دور کے مذاکرات مرحلے وار آگے بڑھ رہے ہے، چونکہ مسئلہ انتہائی اہم اور نازک ہیں لہذا اس کی پیش رفت اتنی ہی احتیاط کے ساتھ ہو رہی ہے۔ جنوری میں امریکہ اور طالبان کے درمیان ہوئی گزشتہ دور کی مذاکرات میں افغانستان سے امریکی سکیورٹی فورسز کی واپسی اور اس ملک کو دوسروں کے خلاف استعمال ہونے سے روکنے کے متعلق رضامندی ہوئی تھی ، لیکن اس دور کے مذکرات ابھی تک کسی نتیجے تک نہیں پہنچ پائے ہیں۔

امریکہ اور طالبان کے درمیان نئے دور کے مذاکرات 25 فروری کو دوحہ میں شروع ہوئے تھے ۔ اس کے تین دن بعد افغانستان کے مسئلے کے حل کے لئے امریکہ کے خصوصی نمائندے زلمے خلیل زاد نے مذاکرات کو مفید بتایا تھا۔جنوری میں ہوئی گزشتہ دور کے مذاکرات میں اتفاق راے سےافغانستان میں امریکی فوج کی واپسی کے بدلے طالبان اس ملک میں القاعدہ کے دہشت گردوں کو پناہ نہ دینے کی ضمانت دینے کے لئے تیار ہواتھا۔