ہلاک کچھ یوکرینی خواتین سے کی گئی تھی عصمت دری، پوسٹ مارٹم کرنے والے ڈاکٹروں کا دعویٰ

یوکرین کی راجدھانی کیف کے شمال میں اجتماعی قبروں سے نکالی گئی لاشوں کا پوسٹ مارٹم کر رہے فورنسک ڈاکٹروں نے دعویٰ کیا ہے کہ انھیں اس بات کے ثبوت ملے ہیں کہ روسی فوج کے ذریعہ مارے جانے سے پہلے کچھ خواتین کے ساتھ عصمت دری کی گئی تھی۔ ’دی گارجین‘ کے مطابق یوکرین کے فورنسک ڈاکٹر ولادسلاو پیرووَسکی نے کہا کہ ’’ہمارے پاس پہلے سے ہی کچھ معاملے ہیں جو بتاتے ہیں کہ ان خواتین کو گولی مارنے سے پہلے ان کے ساتھ عصمت دری کی گئی تھی۔ یہ علاقے روس کے مہینے بھر کے قبضے کے دوران ماری گئیں۔‘‘

دی گارجین کی رپورٹ کے مطابق انھوں نے کہا کہ ہم زیادہ تفصیل نہیں دے سکتے، کیونکہ میرے معاون اب بھی ڈاٹا جمع کر رہے ہیں اور ہمارے پاس اب بھی سینکڑوں لاشیں ہیں۔ پیرووَسکی کی ٹیم ایک دن میں تقریباً 15 لاشوں کی جانچ کر رہی ہے، جن میں سے کئی انتہائی مخدوش حالت میں ہیں۔ انھوں نے کہا کہ کئی جسم جلے ہوئے ہیں اور کچھ بری طرح بکھری ہوئی ہیں جنھیں پہچاننا ناممکن ہے۔ کچھ کے چہرے ٹکڑوں میں توڑے گئے ہیں، تو کئی جسم پر سر ہی نہیں ہے۔‘‘

پیرووَسکی نے کہا کہ کچھ خواتین کی لاشوں کی انھوں نے جانچ کی تھی، جس سے اشارہ ملتا ہے کہ خواتین کو آٹومیٹک بندوق سے مارا گیا تھا، کیونکہ ان کی پیٹھ میں چھ گولیوں کے نشان تھے۔ دی گارجین کی رپورٹ کے مطابق کیف علاقہ کے ایک سینئر پرازیکیوٹر اولیہہ ٹکالینکو نے کہا کہ مبینہ جنسی استحصال کی تفصیل ان کے دفتر کو بھیج دی گئی ہے، جو جائے حادثہ اور متاثرین کی عمر کی جانچ کر رہا ہے۔ ٹولینکو نے کہا کہ ’’عصمت دری ایک بہت ہی نازک اور حساس معاملہ ہے۔ فورنسک ڈاکٹروں کے پاس خاتون متاثرین کے اعضائے مخصوصہ کی جانچ کرنے اور عصمت دری کی علامتوں کی تلاش کرنے کا ایک خاص کام ہے۔‘‘

اموات کا جائزہ لینے والے ایک غیر ملکی نے نام ظاہر نہ کرنے کی شرط پر کہا کہ ’’کچھ لاشیں اتنی خراب حالت میں ہیں کہ عصمت دری یا جنسی استحصال کی علامت ڈھونڈنا آسان نہیں۔ لیکن ہم خواتین کے کچھ معاملوں میں ثبوت جمع کر رہے ہیں، کیونکہ ہم مانتے ہیں کہ قتل سے پہلے عصمت دری کی گئی تھی۔‘‘