روسی حملوں کی وجہ سے یوکرین میں بجلی کی شدید قلت

کیف: یوکرین کی سرکاری توانائی کمپنی یوکرینرگو نے کہا ہے کہ روسی میزائل اور ڈرون حملوں کی وجہ سے ملک میں بجلی کی شدید قلت پیدا ہو گئی ہے۔ یوکرینرگو نے جمعہ کو ٹیلی گرام پر ایک پوسٹ میں کہا کہ "یوکرین کے پاور پلانٹس کو بڑے پیمانے پر نقصان پہنچا ہے۔ اب وہ بجلی پیدا کرنے سے قاصر ہیں۔‘‘

ژنہوا نیوز ایجنسی نے رپورٹ کیا کہ بجلی کی کمی پر جزوی طور پر قابو پانے کے لیے، ملک جمعہ شام 6 بجے سے ہفتہ کی صبح 7 بجے تک صنعتی صارفین کے لیے بجلی کی حد کا پروگرام نافذ کر رہا ہے۔ دریں اثناء وہ گھریلو خسارے کو پورا کرنے کے لیے گزشتہ دو روز سے یورپی یونین کے ممالک سے بھی بجلی درآمد کر رہا ہے۔

یوکرینرگو نے کہا کہ روس اس سال پہلے ہی یوکرین کے توانائی کے نظام پر 5 بڑے حملے کر چکا ہے۔ یوکرائنی حکام کے مطابق، بدھ کے روز روس نے یوکرین کے 6 علاقوں میں بجلی کی پیداوار اور ترسیل کی تنصیبات پر 55 میزائل اور 21 ڈرون سے حملہ کیا۔ یوکرین کی سب سے بڑی نجی توانائی کمپنی ڈی ٹی ای کے نے کہا کہ فضائی حملوں کے دوران 3 تھرمل پاور پلانٹس کے آلات کو نقصان پہنچا۔