سردیوں میں وبا دو گنی ہو سکتی ہے، سائنسدانوں کا انتباہ

دنیا بھر میں کورونا وبا کے معاملات اور اس سے ہونے والی اموات میں مستقل اضافہ جاری ہے اور کئی ممالک میں جہاں اس وبا کوختم تسلیم کیا جا رہا تھا وہاں اس وبا کی واپسی نظر آ رہی ہے جس میں نیو زی لینڈ ایک ملک ہے۔ان حالات میں دنیا کے سائنسدانوں نے انتباہ کیا ہے کہ آنے والی سردیوں میں اس وبا کا پھیلاؤ دو گنا ہو سکتا ہے ۔عوامی صحت سے جڑے ماہرین کا کہنا ہے کہ آنے والی سردیاں بری خبر لے کر آ رہی ہیں۔

واضح رہے سردیوں میں وبا کی اس واپسی کو سائنسداں ’ٹونڈیمک ‘ کہہ رہے ہیں اور ان کے مطابق کووڈ 19 کے ساتھ ساتھ موسمی بخار تباہی مچانے والا ہے۔ نیو یارک ٹائمس میں شائع خبر کے مطابق موسمی بخار ایک عام بیماری ہے لیکن اسپتالوں میں پہلےسے موجود کورونا کے مریضوں کی وجہ سے موسمی بخار کے مریضوں کو دشواری ہو سکتی ہے جس کی وجہ سے یہ پھیلے گا اور اس سےانسان کی صحت کو پیش آنے والے خطرے میں مزید اضافہ ہو جائے گا ۔ موسمی بخار کا مریض کورونا وبا کے رابطہ میں آسکتا ہے جو انسان کی زندگی کو مزید خطرے میں ڈال سکتا ہے۔

سائنسداں اس بیماری کو لےکافی پریشان ہیں اور وہ اس کے پیشگی علاج کے لئے ’فلو شاٹ ‘پر زور دے رہے ہیں۔ برطانیہ میں اس کےبچاؤ کے لئے تیاریاں شروع کر دی ہیں اور وہاں کے وزیر اعظم نے ’فلو شاٹ‘ کیمپین شروع کر دی ہے۔