کورونا کی وبا روسی صدارتی محل میں بھی داخل، صدر پوتن محفوظ!

کورونا جیسی مہلک وباء سے محفوظ ہونے کا دعویٰ کرنے والی روسی قیادت آخر کار اس وباء کا شکار ہوگئی ہے۔ ذرائع کا کہنا ہے کہ صدر ولادی میر پوتن کی انتظامیہ کے متعدد اہلکاروں میں کرونا کے ہونے کی تصدیق کی گئی ہے، تاہم متاثرہ افراد میں سے کسی نے صدر پوتن سے ملاقات نہیں کی۔ اس لیے صدر پوتن اس بیماری سے محفوظ ہیں۔

کریملن کے ترجمان دمتری پیسکوف نے بتایا کہ صدر کے دفتر کی انتظامیہ کے عہدیداروں میں وائرس کے پھیلاؤ کو روکنے کے لیے اقدامات کیے جا رہے ہیں۔ صدارتی محل کے جن افسران میں کورونا وائرس کی تصدیق ہوئی ہے ان کے نام پوچھے جانے پر پیسکوف نے روسی قانون رازداری کا حوالہ دیتے ہوئے ان کی شناخت بتانے سے انکار کر دیا۔

انہوں نے روسی نیوز ایجنسی انٹرفیکس کو روسی وزیر اعظم میخائل مائیکلسٹن کے حوالے سے کہا کہ انہوں نے شہریوں سے اپیل کی ہے کہ وہ سوائے ضرورت کے اور نقل مکانی سے گریز کریں۔ وزیراعظم نےعوام سے اپیل کی ہے کہ وہ کرونا وائرس کے پھیلاؤ کو روکنے کی کوشش میں حکومت کے ساتھ تعاون کریں اور خود گھروں میں رہیں۔

روسی خبر رساں ادارے نے ایک غیر مصدقہ خبر کے حوالہ سے کہا کہ متاثرہ شخص اسٹیٹ ایوارڈ عملہ کا رکن ہو سکتا ہے جس نے صدر پوتن کی کریمیا میں منعقدہ تقریب میں اسپین سے لوٹ کر شامل ہوئی تھی۔ کل جمعہ کے روز روس میں کرونا کے متاثرہ مریضوں کی مجموعی تعداد ایک ہزار سے تجاوز کرگئی، جبکہ اب تک چار مریضوں کی ہلاکت واقع ہوئی ہے۔