جو بائیڈن کی کورونا ویکسین کی ٹیکہ کاری کا براہ راست ٹیلی کاسٹ

واشنگٹن: امریکہ کے نومنتخب صدر جو بائیڈن نے اپنی قوم کو اعتماد دلانے کے لئے کووڈ-19 کی ویکسین لی۔ ایک لائیو ٹیلی ویژن پروگرام کے دوران پیر روز فائزر کووڈ 19 ویکسین کی پہلی خوراک ان کے بدن میں اجیکشن کے ذریعے پیوست کرائی گئی۔ بائیڈن نے ڈیلاویئرنیوارک میں کرسٹینا کیئر اسپتال میں ویکسین کی پہلی خوراک لینے کے بعد کہا ’’میں ایسا یہ یقین دلانے کے لئے کر رہا ہوں کہ یہ ویکسین پوری طرح محفوظ ہے، میری درخواست ہے کہ جب یہ دستیاب ہو جائے آپ اسے لے سکتے ہیں۔‘‘

نومنتخب صدر نے کہا، ’’آج میں نے کووڈ-19 کی ویکسین لی۔ ان سائنس دانوں اور محققین کا شکریہ جنہوں نے یہ ممکن بنانے کے لئے انتھک محنت کی۔ ہم آپ کے مشکور و ممنون ہے۔‘‘ امریکی عوام سے مخاطب ہوتے ہوئے بائیڈن نے کہا، ’’جان لو کہ فکر کرنے کی کوئی بات نہیں ہے۔ جب یہ ویکسین دستیاب ہو جائے، میں آپ سے گزارش کرتا ہوں کہ وہ اسے لیں۔‘‘

اس سے قبل بائیڈن کی اہلیہ جل بائیڈن کو کورونا وایکسین کی پہلی خوراک دی گئی تھی۔ نومنتخب نائب صدر کملا ہیرس اور ان کے شوہر ڈگ ایم ہاف کو بھی اگلے ویکسین دی جائے گی۔ نائب صدر مائک پینس اور ہاؤس اسپیکر نینسی پیلوسی ان رہنماؤں میں شامل ہیں جنھیں گذشتہ ہفتے ویکسین دی گئی تھی۔

امریکہ میں کورونا متاثرین کی تعداد ایک کروڑ 80 لاکھ سے متجاوز

عالمی وبا کورونا وائرس (کووڈ ۔19) سے سب سے زیادہ متاثر امریکہ میں اس کے مریضوں کی تعداد ایک کروڑ 80 لاکھ سے زائد ہوگئی ہے۔ جان ہاپکنز یونیورسٹی کے مطابق پیر کو امریکہ میں کورونا وائرس کے متاثرین کی تعداد بڑھ کر 18006061 ہوگئی ہے۔ اس دوران اس ملک میں کورونا سے ہلاکتوں کی تعداد 319190 ہو گئی۔

ملک میں فائزر، بایو ٹیک اور موڈیرنا کی کوڈ ویکسی نیشن کی منظوری دی گئی ہے۔ امریکہ کے نو منتخب صدر جو بائیڈن کو پیر کے روز ایک لائیو ٹیلی ویژن پروگرام میں فائزر کووڈ 19 ویکسین کی پہلی خوراک قوم کو اعتماد دلانے کے لئے پلائی گئی۔