نائیجیریا میں ’لاسا‘ نامی بخار سے 32 افراد کی موت

ابوجا: مغربی افریقی ملک نائیجیریا میں اس سال کے آغاز سے اب تک لاسا نامی بخار سے کم از کم 32 افراد ہلاک ہو چکے ہیں۔ یہ اطلاع ایک سرکاری رپورٹ میں دی گئی ہے۔ پیر کو نائجیریا سینٹر فار ڈزیز کنٹرول (این سی ڈی سی) کی رپورٹ کے مطابق اس بخار کے تصدیق شدہ کیسز کی تعداد بڑھ کر 74 ہو گئی ہے جب کہ اسی عرصے میں کل 759 مشتبہ کیسز رپورٹ ہوئے ہیں۔

26 جنوری کوصحت کے حکام نے اطلاع دی تھی کہ بخار کے پھیلنے کے بعد ملک بھر میں لاسا فیور ایمرجنسی آپریشن کو چالو کر دیا گیا ہے۔ این سی ڈی سی نے کہا کہ وہ شرح اموات کو کم کرنے کے لیے ریاست کی صحت عامہ کی ٹیموں کے ساتھ تعاون کرنے کے لیے پرعزم ہے۔

لاسا بخار ایک وائرل ہے جو وائرس کی وجہ سے ہوتا ہے۔ نائیجیریا میں یہ بیماری سال بھر ہوتی ہے لیکن خشک موسم میں کیسز بڑھ جاتے ہیں۔ این سی ڈی سی کے مطابق، گزشتہ سال نائجیریا میں اس بیماری سے کم از کم 80 افراد ہلاک ہوئے تھے۔