عالمی معاشی مسائل کے حل کے لیے ہندوستان اور امریکہ کا تعاون جاری رہے گا

کورونا وبا سے بری طرح متاثر ہو ئی عالمی معیشت کو پٹری پر لانے کی ہر ممکن کوشش کی جا رہی ہے۔ ہندوستانی معیشت وبا سے بہت زیادہ متاثر ہوئی ہے اور اس کو بڑی طاقتوں کی مدد کی ضرورت ہے۔ ہندوستانی وزیر خزانہ نرملا سیتارمن امریکہ کے دورہ پر ہیں ۔

ہندوستان کی وزیر خزانہ نرملا سیتارمن اور امریکی خزانہ سکریٹری ڈاکٹر جینیٹ یلن نے عالمی اقتصادی مسائل کے حل کے لیے دونوں ممالک کے درمیان دو طرفہ اور کثیر سطحی تعاون جاری رکھنے کا عہد ظاہر کیا ہے۔

ہندوستان۔ امریکہ اقتصادی اور مالیاتی شراکت کی8 ویں وزارتی میٹنگ کے دوران دونوں ممالک نے اس عزم کا اظہار کیا ہے۔کل ہوئی اس ملاقات میں محترمہ سیتارامن اور ڈاکٹر یلن نے اپنے اپنے وفود کے ساتھ شرکت کی۔

اس دوران وسیع تر اقتصادی نظریہ و کووڈ ۔ 19 وبا سے باہر نکلنے ، مالیاتی ریگولیٹری اور تکنیکی تعاون ، کثیرالجہتی ڈائیلاگ ،آب و ہوا سے متعلق مالیات اور منی لانڈرنگ اور دہشت گردی کی مالی معاونت کا مقابلہ (اے ایم ایل/ سی ایف ٹی) سمیت کئی موضوعات پر تبادلہ خیال ہوا۔ دونوں فریق نے باہمی اور عالمی معاشی امور کو حل کرنے خوشگوار حکمت عملی اور تصفیہ کی سمت میں کوشش کرنے کے لئے دو طرفہ اور کثیر الجہتی، دونوں محاذوں پر تعاون جاری رکھنے کے اپنے عزم کی تصدیق کی۔