امریکی صدر جو بائیڈن کے بیٹے ہنٹر بائیڈن نے کیا ٹیکس چوری کا اعتراف، 15 سال تک قید کی سزا ممکن

واشنگٹن: امریکی صدر جو بائیڈن کے بیٹے ہنٹر بائیڈن نے ٹیکس چوری کے 9 الزامات کا اعتراف کر لیا ہے۔ ان پر 2016 سے 2019 تک 1.4 ملین ڈالر ٹیکس چوری کرنے کا الزام ہے۔ ہنٹر بائیڈن نے پہلے ان الزامات کی تردید کی تھی اور خود کو بے گناہ قرار دیا تھا۔

رپورٹ کے مطابق، 54 سالہ ہنٹر بائیڈن نے عدالت میں خود کو بے گناہ ثابت کرنے کی کوشش کی مگر وکلاء کی طرف سے اعتراضات کے بعد انہوں نے اپنے جرم کا اعتراف کرنے پر رضامندی ظاہر کی۔ تین ماہ قبل ہی ہنٹر بائیڈن کو بندوق رکھنے اور منشیات کے استعمال کے الگ الگ معاملات میں بھی قصوروار ٹھہرایا گیا تھا۔

ہنٹر بائیڈن کے خلاف ٹیکس چوری کا مقدمہ شروع ہونے والا تھا اور جوری کا انتخاب ہونا تھا لیکن آخری لمحے میں انہوں نے اپنا موقف تبدیل کر دیا۔ ان کے وکیل نے کہا کہ ان کے موکل نجی وجوہات کی بنا پر مقدمے کی سماعت نہیں چاہتے، تاکہ ان کے دوستوں اور اہل خانہ کو اس وقت پر گواہی نہ دینا پڑے جب کہ وہ منشیات کی لت کا شکار تھے۔‘‘

جج مارک اسکارسی نے کہا کہ ہنٹر بائیڈن کو جرم کا اعتراف کرنے کی صورت میں بائیڈن کو زیادہ سے زیادہ 15 سال قید کی سزا اور 5 لاکھ سے 10 لاکھ ڈالر تک جرمانہ عائد ہو سکتا ہے۔ ان کی سزا کا فیصلہ 16 دسمبر کو کیا جائے گا، جب صدر جو بائیڈن کی مدت کار ختم ہو جائے گی۔ صدر بائیڈن نے پہلے ہی واضح کر دیا تھا کہ وہ اپنے بیٹے کو معاف کرنے کے لیے اپنے اختیارات استعمال نہیں کریں گے۔ یہ مقدمہ ایسے وقت میں سامنے آیا ہے جب امریکہ میں نومبر میں صدر کے انتخابات ہونے والے ہیں۔