حماس کا اسرائیل کے دو ہوائی اڈوں پر راکٹ فائر کرنے کا دعوی

غزہ پٹی: غزہ پٹی میں حماس کے عسکری ونگ اعزازالدین القسام بریگیڈ نے اسرائیل کے دو ہوائی اڈوں پر راکٹ فائر کرنے کا دعویٰ کیا ہے۔ القسام بریگیڈ کے مطابق یہ حملے ’ہیٹزیرم‘ اور ’تیلنوف‘ کے ہوائی اڈوں پر کیے گئے۔

قابل ذکر بات یہ ہے کہ اس وقت اسرائیل اور فلسطین کے درمیان صورتحال انتہائی کشیدہ ہے۔ دونوں ممالک کے مابین جاری تنازع میں اب تک 242 سے زائد فلسطینی ہلاک ہوچکے ہیں جن میں 67 بچے بھی شامل ہیں اور تقریب 1500 افراد زخمی ہوئے ہیں۔ اسی دوران اسرائیل میں 12 افراد کی ہلاکت اور 50 سے زائد دیگر کے شدید زخمی ہونے کی بھی اطلاعات ہیں۔