سری لنکا میں دھماکوں کے سلسلہ میں مشتبہ افراد کے 41 بینک اکاؤنٹ سیل

کولمبو: سری لنکا میں پولس نے ایسٹر کے دن سلسلہ وار بم دھماکوں کے سلسلہ میں مشتبہ حملہ آوروں سے منسلک 41 بینک اکاؤنٹوں کو سیل کیا جن میں 1340لاکھ روپے جمع ہیں۔ پولس نے ایک بیان میں کہا کہ ایسٹر کے دن دہشت گردانہ حملہ سے وابستہ مشتبہ افراد کے بینک اکاونٹ کو سی آئی ڈی اور دہشت گردی جانچ محکمہ (ٹی آئی ڈی) نے سیل کیا اور ان کی جانچ کر رہی ہے۔

پولس کے ترجمان ایس پی رووان گنا سیکرا نے کہا کہ جانچ کے دوران ان بینک اکاؤنٹوں کے بارے میں پتہ چلا۔ اس مہینہ کے شروع میں پولس نے کہا تھا کہ حملے کے لئے ذمہ دار دہشت گردوں کے بینک اکاونٹ کو سیل کیا گیا جن میں 14کروڑ روپے تھے اور 700 کروڑ روپے کی املاک ضبط کی گئی۔

ایک میڈیا رپورٹ میں ترجمان کے حوالے سے کہا گیا کہ سی آئی ڈی ضبط کی گئی املاک کو جانچ پوری ہونے کے بعد اسے سرکاری خزانہ میں ضم کرنے کی کوشش کرے گی۔ اس درمیان پانچ مشتبہ افراد کو ممنوعہ تنظیم نیشنل توحید جماعت (این ٹی جے) اور اس کے بانی ظہران ہاشم سے منسلک ہونے کے الزام میں ہیرووپتانا سے گرفتار کیا گیا۔

گرفتار کیے گئے لوگوں میں ہیرووپتانا ڈویزنل سکریٹریٹ کے ایک ڈیولپمنٹ افسر، ہیرووپتانا کے سرکاری اسکول کے ایک ٹیچر او ر کیولیکاڈا کے ارب اسکول کے دو ٹیچروں اور کیبت گولیوا کا ایک باشندہ شامل ہیں۔ پولس نے کہا کہ مشتبہ افراد نے انورادھا پور اور ترنکومالی میں سخت گیری پھیلانے والے تقریر کی تھی۔ یہ بھی پتہ چلا ہے کہ ان مشتبہ افراد کو این ٹی جے سے اس حملہ کے اہم مشتبہ افراد میں سے ایک ذریعہ پیسہ ملا تھا۔

خیال رہے کہ سری لنکا میں ایسٹر کے دن ہوئے سلسلہ وار بم دھماکوں میں تقریباً 250 لوگوں کی موت اور تقریباََ 500 لوگ زخمی ہوگئے تھے۔ اس معاملہ کی جانچ ابھی جاری ہے۔