پائیدار ترقی کے مقاصد کو ’کورونا وائرس‘ نے دیا زبردست جھٹکا: ڈبلیو ایچ او

جنیوا: عالمی ادارہ صحت (ڈبلیو ایچ او) نے اپنے عالمی ادارہ صحت کے اعداد و شمار رپورٹ 2020 میں خبردار کیا ہے کہ سال 2030 تک مسلسل ترقی کے مقاصد کو حاصل کرنے کے لئے جس میں پیش رفت اب تک ہوئی ہے اسے کورونا وبا کافی چوٹ پہنچا سکتا ہے۔

ڈبلیو ایچ او کے سربراہ ڈاکٹر تیدروس ادھانوم گیبریسس نے اس رپورٹ کا حوالہ دیتے ہوئے یہ تسلیم کیا کہ صحت کے شعبے میں کافی ترقی کی جا چکی ہے لیکن جو ترقی ہونی چاہیے تھی وہ مقصد حاصل نہیں کیا جا سکا ہے۔ کورونا وبا کی وجہ سے اب اسے اور نقصان پہنچ سکتا ہے اور ایک اچھی بات یہ ہے کہ دنیا میں لوگ اب لمبی عمر اور صحت مند زندگی جی رہے ہیں لیکن یہ افسوسناک بات بھی ہے کہ پائیدار ترقی کے مقاصد کو حاصل کرنے کی رفتار کافی سست ہے۔ ابھی کورونا وبا کی وجہ سے یہ رفتار اور کم ہو جائے گی۔

اس رپورٹ میں اندازہ لگایا گیا ہے کہ دنیا کے ایک ارب لوگ اس سال اپنے بجٹ کا کم از کم 10 فیصد حصہ صحت پر خرچ کریں گے اور اس سے سب سے زیادہ نچلی وسطی آمدنی والے ممالک متاثرہوں گے۔ گیبریسس کا کہنا ہے کہ مکمل عالم اس وقت گزشتہ 100 سالوں کی سب سے زیادہ سنگین اس وبا سے لڑ رہا ہے اور اس وجہ سے پائیدار ترقی کے ہدف کو حاصل کرنا کافی مشکل کام ہوگا۔ ہم سب کو مل کر بنیادی صحت ڈھانچے کو مضبوط بنانے کے لئے کام کرنا چاہیے اور جو بھی سب سے کمزور ملک ہے ان کی مدد کرنی چاہیے تاکہ تفاوت کو ختم کیا جا سکے۔