ارجنٹائنا نے کیا ماڈرنا ویکسین کی دو کروڑ ڈوز خریدنے کا فیصلہ

بیونس آئرس: لاطینی امریکی ملک ارجنٹائنا کووڈ- 19 سے نمٹنے کے لئے ماڈرنا ویکسین کی دو کروڑ خوراکیں خریدے گا اور اس معاہدے کے تحت پہلی کھیپ اگلے سال تک سپلائی متوقع ہے۔ ارجنٹائنا کی حکومت کی طرف سے جاری کردہ ایک بیان کے مطابق وزارت صحت نے ویکسین کی مقدار کی خریداری کے لئے ماڈرنا کے ساتھ ایک ایم او او پر دستخط کیے ہیں۔ ویکسین کی سپلائی2022 کی پہلی سہ ماہی میں متوقع ہے۔

ارجنٹائن پہلا ملک ہے جس نے روس کی اسپوتنک وی ویکسین کے استعمال کو منظوری دی اور مقامی طور پر پیداوار شروع کی۔ اس کے علاوہ یہاں آسٹرا زینیکا اور سونو فارم ویکسین بھی لگائی جا رہی ہیں۔ ابھی تک ارجنٹائنا میں ایک اعشاریہ نو کروڑ سے زیادہ افراد کو کورونا ویکسین کی کم از کم ایک خوراک دی جاچکی ہے، جبکہ 50 لاکھ سے زائد افراد نے دوسری خوراک لی ہے۔